დასავლეთის ქვეყნებმა უკრაინაში საბრძოლო მოქმედებების შესაჩერებლად „ახალი, უპრეცედენტო სანქციების შემოღებით“ რუსეთზე სანქციების ზეწოლა უნდა გააძლიერონ, - განაცხადა საფრანგეთის პრეზიდენტმა ემანუელ მაკრონმა კანადაში „დიდი შვიდეულის“ სამიტის ფარგლებში გამართულ ბრიფინგზე.
მაკრონმა განაცხადა, რომ G7-ის წევრების მიერ შემუშავებული „საერთო პოზიცია“ შეზღუდვების გამკაცრებას გულისხმობს. მან ახსენა ევროკავშირის მიერ ახალ პაკეტზე მუშაობა, ასევე ამერიკელი სენატორების მიერ წარდგენილი კანონპროექტი, რომელიც მოსკოვისგან ენერგიის შემძენ პირებზე 500%-იან გადასახადს ითვალისწინებს.
საფრანგეთის პრეზიდენტი მიიჩნევს, რომ აშშ-ს, ევროკავშირსა და სხვა ქვეყნებს შორის კოორდინაცია „ალბათ შეცვლის სიტუაციას“, რადგან მან „რუსეთი მოლაპარაკებების მაგიდასთან უნდა დააბრუნოს“.
