„2026 წელს მსოფლიოში ყველაზე სერიოზული საგანგებო სიტუაციების დროს აუცილებელი ჯანდაცვის სერვისების შესანარჩუნებლად ჯანმო 1 მილიარდი დოლარის დახმარებას ითხოვს,“ - განაცხადა ჯანდაცვის მსოფლიო ორგანიზაციის საგანგებო სიტუაციების პროგრამის აღმასრულებელმა დირექტორმა, ჰიკვე იჰეკვეაზუმ.
ეს განცხადება გაეროს ჟენევის ოფისის ყოველკვირეულ პრესკონფერენციაზე გაკეთდა.
იჰეკვეაზუმ აღნიშნა, რომ დაახლოებით 250 მილიონი ადამიანი განიცდის ჰუმანიტარულ კრიზისებს, რაც მათ ძირითად საჭიროებებს ართმევს.
იჰეკვეაზმუ განაცხადა: „ასეთ გარემოში ჯანდაცვის საჭიროებები იზრდება დაზიანებების, ეპიდემიების, არასრულფასოვანი კვების ან არანამკურნალევი ქრონიკული დაავადებების გამო, მაგრამ ჯანდაცვის სერვისებზე წვდომა მცირდება. ჯანმო 1 მილიარდი დოლარის დახმარებას ითხოვს 2026 წელს მსოფლიოში ყველაზე სერიოზული საგანგებო სიტუაციების დროს აუცილებელი ჯანდაცვის სერვისების შესანარჩუნებლად“.
მან აღნიშნა, რომ ამ თანხით მხარდაჭერა უნდა მიიღოს სხვადასხვა პროგრამამ 36 ღაზასა და ახლო აღმოსავლეთში, სუდანში, უკრაინაში, კონგოს დემოკრატიულ რესპუბლიკაში, ჰაიტისა და მიანმარში.
„2025 წელი ისედაც უკიდურესად რთული იყო. გლობალური დაფინანსების შემცირებამ გამოიწვია მომსახურების დახურვა ან შემცირება 6,700 ჯანდაცვის დაწესებულებაში 22 ჰუმანიტარულ რეგიონში, რამაც 53 მილიონი ადამიანი ჯანდაცვის გარეშე დატოვა. მძიმე მდგომარეობაში მყოფი ოჯახები ისეთი ამოცანების წინაშე დგანან, როგორიცაა საკვების ან მედიკამენტების შეძენა. ადამიანებს არასდროს არ უნდა მოუწიოთ ამ არჩევანის გაკეთება. ამიტომ, დღეს ჩვენ მივმართავთ ერებისა და ხალხის საღ აზრს და მოვუწოდებთ მათ, ინვესტიცია ჩადონ უფრო ჯანსაღ და უსაფრთხო სამყაროში“, - განაცხადა მან.
