საერთაშორისო ენერგეტიკული სააგენტოს (IEA) ხელმძღვანელმა განაცხადა, რომ ევროპას შესაძლოა საავიაციო საწვავის მარაგი მხოლოდ ექვს კვირას ეყოს, ახლო აღმოსავლეთში კრიზისის შედეგად გამოწვეული ავიაციის ინდუსტრიაში არსებული პრობლემების გამო.
Associated Press-თან ინტერვიუში, IEA-ს აღმასრულებელმა დირექტორმა ფატიჰ ბიროლმა განაცხადა, რომ ჰორმუზის სრუტის ბლოკადამ შესაძლოა „ისტორიაში ყველაზე დიდი ენერგეტიკული კრიზისი“ გამოიწვიოს.
„წარსულში არსებობდა ჯგუფი, რომელსაც „საშინელი სრუტეები“ ერქვა. მაგრამ ახლა ჩვენ თვითონ ვართ საშინელ მდგომარეობაში და ამას სერიოზული შედეგები მოჰყვება მთელი გლობალური ეკონომიკისთვის. რაც უფრო დიდხანს გაგრძელდება ეს, მით უფრო უარესი იქნება მსოფლიო ეკონომიკური ზრდისა და ინფლაციისთვის“, - თქვა მან.
ბიროლმა დასძინა, რომ ამას უფრო ფართო ეკონომიკური გავლენა ექნება, მათ შორის „ბენზინის, გაზისა და ელექტროენერგიის ფასების ზრდა“, რაც ზოგიერთ რეგიონს სხვებზე მეტად დააზარალებს.
