სექტემბერში, დუბაიში, ბურჯ ხალიფას ცათამბჯენის გვერდით რესტორანი გაიხსნება, რომლის მენიუსაც ხელოვნური ინტელექტი შექმნის. ამის შესახებ ინფორმაციას Reuters ავრცელებს.
WooHoo-ს სახელით ცნობილი დაწესებულება თავს „მომავლის რესტორნად“ პოზიციონირებს. ამ ეტაპზე კერძებს ადამიანები მოამზადებენ, მაგრამ ყველაფერი დანარჩენი, მათ შორის ატმოსფერო, მომსახურება და მენიუ, შეფ აიმანის ენობრივი მოდელით შემუშავდება. მენიუს შესაქმნელად ნეირონულმა ქსელმა ათასობით რეცეპტი, გასტრონომიული კვლევა და პროდუქტის შემადგენლობა შეისწავლა და გააანალიზა.
ხელოვნურ ინტელექტს არ შეუძლია კერძების გასინჯვა, მაგრამ მას შეუძლია სამზარეულოს კომპონენტებად დაყოფა, მჟავიანობის გათვალისწინება, პროდუქტების უჩვეულო არომატულ კომბინაციებში გაერთიანება და ბევრი სხვა. შეფ აიმანის მიერ შექმნილ პროტოტიპებს ადამიანი შეფ-მზარეულები ასრულებენ, რომლებიც კომბინაციებს ცდიან და ასწორებენ ცნობილი დუბაელი შეფ-მზარეულის, რაფე ოთმანის ხელმძღვანელობით.
