ნავთობის ფასების კლება ორშაბათს დღისით გაძლიერდა აშშ-ის პრეზიდენტ დონალდ ტრამპის მიერ ირანთან დაკავშირებული განცხადებების შემდეგ.
ლონდონის ICE Futures ბირჟაზე Brent-ის იანვრის ფიუჩერსები 2.19 დოლარით (2.23%-ით) დაეცა და ბარელზე 96.13 დოლარი შეადგინა.
ნიუ-იორკის სასაქონლო ბირჟაზე (NYMEX) დეკემბრის WTI ნედლი ნავთობის ფიუჩერსები 1.87 დოლარით (2.06%-ით), ბარელზე 88.96 დოლარამდე დაეცა.
ბოლო კვირის განმავლობაში Brent-ის ნავთობის ფასი 16%-ით დაეცა, რაც 2020 წლის შემდეგ ყველაზე სწრაფი ტემპია. ფულადი თვალსაზრისით, კლება ყველაზე დიდი იყო, სულ მცირე, 1988 წლის შემდეგ. WTI-ის ფასები კვირის განმავლობაში 13%-ით დაეცა. აშშ-ის შუალედურ არჩევნებში დემოკრატიული პარტიის გამარჯვებამ ბაზარზე ზეწოლა მოახდინა, რადგან ტრეიდერები და ანალიტიკოსები მიიჩნევენ, რომ ირანის წინააღმდეგ სამხედრო მოქმედებების განახლების ალბათობა შემცირდა.
