სომხეთმა და აზერბაიჯანმა ურთიერთმომარაგების საქონლის სია გაცვალეს და ბიზნესმენებისგან ორმხრივი პასუხის მოლოდინში არიან.
ABC.AZ-ის ცნობით, ამის შესახებ სომხეთის ეკონომიკის მინისტრმა, გევორგ პაპოიანმა, პრესკონფერენციაზე განაცხადა.
პაპოიანმა აღნიშნა, რომ აზერბაიჯანული ბენზინი და დიზელის საწვავი უკვე ხელმისაწვდომია სომხეთის ბაზარზე, მაგრამ სომხური საქონელი ამჟამად აზერბაიჯანის ბაზარზე არ არის ხელმისაწვდომი.
„თუმცა, მხარეებმა [ურთიერთმომარაგების] პროდუქციის სიები გაცვალეს და განიხილეს ისინი. ჩვენ გვესმის, რომ ბაზრები ორივე მხარისთვის ღია უნდა იყოს: ჩვენი ბაზარი მათთვის და მათი ბაზარი ჩვენთვის. ჩემი აზრით, ამას დრო სჭირდება. ეს არის პროცესი, რომელიც თანდათანობით შენდება“, - თქვა მან.
მინისტრმა ასევე ხაზგასმით აღნიშნა, რომ ურთიერთმომარაგებისთვის საჭირო პირობების უმეტესობა უკვე შექმნილია, მაგრამ ღია საკითხები რჩება, როგორიცაა სრული ლოგისტიკური კოორდინაციის არარსებობა.
მისი თქმით, ამ მიმართულებით შემდგომი მუშაობა მიმდინარეობს და საკომუნიკაციო არხები და სატრანსპორტო მარშრუტები უკვე გახსნილია, რათა საჭიროების შემთხვევაში, საქონელმა სომხეთში გაიაროს.
