აპრილის თვის სავსე მთვარე, ან როგორც მას კიდევ უწოდებენ „ვარდისფერი სავსე მთვარე“ ცაზე 12 აპრილს გამოჩნდება, - ნათქვამია LiveScience-ის მიერ გამოქვეყნებულ სტატიაში.

ულამაზესი სანახაობის ხილვა აღმოსავლეთ სასაათო სარტყლის მიხედვით 12 აპრილის 20:22 წუთზე იქნება შესაძლებელი, ხოლო გრინვიჩის დროით 13 აპრილის 00:22 წუთზე.

მიუხედავად მისი მეტსახელისა, მთვარეს ვარდისფერი შეფერილობა არ ექნება. აპრილში სავსე მთვარის ფერი საკმაოდ ნორმალური იქნება. სახელი „ვარდისფერი მთვარე“ ინდიელებთანაა დაკავშირებული - ეს სახელი ფლოქსის ყვავილს უკავშირდება, რომელიც მხოლოდ აპრილში ყვავის.

2025 წელს 12 სავსე მთვარის ხილვა იქნება შესაძლებელი.

imedinews.ge