ლონდონის საფონდო ბირჟაზე წარმოდგენილი სამი ქართული კომპანიის — Lion Finance Group-ის, TBC Bank Group-ისა და Georgia Capital-ის — აქციების ფასი გასული კვირის განმავლობაში შემცირდა.

ყველაზე მეტად Lion Finance Group PLC-ის (BGEO), ყოფილი „საქართველოს ბანკის“ ჯგუფის, აქციები გაუფასურდა. საანგარიშო პერიოდში მათი ფასი 12.13%-ით შემცირდა და ერთი აქციის ღირებულებამ 120.20 გირვანქა სტერლინგი შეადგინა. კომპანიის საბაზრო კაპიტალიზაცია 6.05 მილიარდ გირვანქა სტერლინგს უტოლდება. ამასთან, ბოლო ექვსი თვის განმავლობაში კომპანიის აქციების ფასი 9.07%-ით არის გაზრდილი.

6.97%-იანი კლება დაფიქსირდა TBC Bank Group PLC-ის აქციების შემთხვევაშიც. ამჟამად ერთი აქციის ღირებულება 50.05 გირვანქა სტერლინგია, ხოლო კომპანიის საბაზრო კაპიტალიზაცია 2.78 მილიარდ გირვანქა სტერლინგს შეადგენს. მიუხედავად გასული კვირის უარყოფითი დინამიკისა, ბოლო ექვს თვეში TBC Bank Group-ის აქციების ფასი 11.07%-ით გაიზარდა.

რაც შეეხება Georgia Capital PLC-ს, მისი აქციების ფასი გასული კვირის განმავლობაში 12.06%-ით შემცირდა და ერთ აქციაზე 42.65 გირვანქა სტერლინგი შეადგინა. კომპანიის საბაზრო კაპიტალიზაცია 1.40 მილიარდ გირვანქა სტერლინგს შეადგენს. ბოლო ექვსი თვის მონაცემებით კი, Georgia Capital-ის აქციები 3.27%-ით არის გაძვირებული.

აღსანიშნავია, რომ სამივე კომპანიის აქციების ფასის კლების მიუხედავად, ექვსთვიან პერიოდში მათ დადებითი დინამიკა შეინარჩუნეს.

გამოკვეთე აქციების კლების თანმიმდევრობა