დღის TOP 10 საინტერესო ამბავი:
კომერციული ბანკების ფინანსური ანგარიშგებების 2021 წლის I კვარტლის მონაცემების მიხედვით, Top 5 კომერციული ბანკის სესხების შესაძლო დანაკარგების რეზერვის ოდენობა მნიშვნელოვნად შემცირდა.
2. „რითეილ ბაზრის მოთამაშეები არათანაბარ პირობებში არიან და მათ თანაბარი შესაძლებლობები არ ეძლევათ“ – „ფრესკო“
ხელისუფლების მხრიდან რითეილ ბიზნესების არათანაბარ პირობებში ჩაყენებაზე არაერთი ამ ბაზრის მოთამაშე საუბრობს. ძირითად შემთხვევაში პრობლემა ჰიპერმარკეტების ქსელ „კარფურს“ უკავშირდება და მის მიმართ ხელისუფლების მხრიდან პრივილეგიების მინიჭებას. არსებულ არაკონკურენტულ გარემოზე „ფრესკოშიც“ საუბრობენ და აღნიშნავენ, რომ რითეილ სექტორისთვის ასევე პრობლემაა გამჭვირვალობის ნაკლებობა და ერთიანი სტანდარტის არ არსებობა.
3. 13 მაისიდან მუნიციპალური ტრანსპორტი, სასწავლო დაწესებულებები და ბაღები განაახლებენ მუშაობას
13 მაისიდან მუშაობას ჩვეულ რეჟიმში განაახლებენ სასწავლო და სააღმზრდელო დაწესებულებები, ასევე ნებადართული იქნება მუნიციპალური ტრანსპორტის მოძრაობა, - აღნიშნული გადაწყვეტილება უწყებათაშორისი საკოორდინაციო საბჭოს სხდომაზე მიიღეს.
4. კაფე-ბარი, სწრაფი კვების ობიექტი და მარკეტი - ტაბახმელაში მრავალფუნქციური კომპლექსი აშენდება
„იორკ თაუერსი“ ტაბახმელაში მრავალფუნქციური კომპლექსს ააშენებს. თბილისის მერიას შესაძლებლად მიაჩნია წარმოდგენილი ესკიზის მიხედვით ობიექტის სამშენებლო განვითარება, რომელიც შესაძლებელი იქნება მხოლოდ სათანადო სამშენებლო დოკუმენტის პროექტის შეთანხმებისა და მშენებლობის ნებართვის გაცემის შემდეგ.
5. ფინანსთა მინისტრი: ბიუჯეტს პრობლემა არ ექნება, 4.3%-იანი ეკონომიკური ზრდა შესრულდება
2021 წლის ბიუჯეტის საშემოსავლო ნაწილი გადაჭარბებით შესრულდება, - ამის შესახებ ფინანსთა მინისტრმა, ლაშა ხუციშვილმა განაცხადა. მისი თქმით, დღეს არსებული მონაცემებიდან გამომდინარე, რეალისტურია მიმდინარე წლის ბიუჯეტით განსაზღვრული ეკონომიკური ზრდის მიღწევა.
6. სარკინიგზო ხაზზე დამატებით 11 გვირაბი აშენდება
საქართველოს სატრანსპორტო-ლოგისტიკური პოტენციალის განვითარების მიმართულებით მიმდინარე და დაგეგმილ ღონისძიებების შესახებ ეკონომიკის მინისტრის მოადგილემ გურამ გურამიშვილმა ანგარიში წარადგინა. მისი თქმით, მმართველი გუნდის ერთ-ერთი მთავარი ამოცანა სატრანსპორტო-ლოგისტიკური ინფრასტრუქტურული პროექტების განხორციელებაა,
7. რა აშენდება სურამის ტერიტორიაზე, რომელიც პროექტ „100 საინვესტიციო შეთავაზება ბიზნესს“ ფარგლებში გაიყიდა (+ფოტო)
დაბა სურამის ტერიტორიაზე, ყოფილი დიმიტროვის ბაღში, 6 ჰექტარი მიწის ნაკვეთი „ოუქლენდმა“ შეიძინა. აღნიშნულ ტერიტორიაზე კომპანია დასასვენებელ-საცხოვრებელ კომპლექსს ააშენებს.
8. „ჩემი პირველი კომპიუტერის“ პროგრამის ბიუჯეტი მხოლოდ 37%-ით შესრულდა
განათლების, მეცნიერების, კულტურისა და სპორტის სამინისტრომ 2021 წლის პირველი კვარტალის ბიუჯეტი 94%-ით აითვისა. დაზუსტებული გეგმის 359.2 მლნ ლარის ნაცვლად უწყებამ 338.6 მლნ ლარი დახარჯა. საქონელისა და მომსახურების შეძენის გეგმა მხოლოდ 76%-ით შესრულდა, არაფინანსური აქტივების ზრდის კი 118%-ით.
9. ევროკავშირი ჩინურ ინვესტიციებზე კონტროლს ამკაცრებს
ევროკომისიამ ახალი წინადადებები წარადგინა, რომელთა მიზანია ევროკავშირის ბაზარზე სახელმწიფოების მხრიდან სუბსიდირებული კომპანიებისთვის წვდომის შეზღუდვაა.
10. Moody’s: მოსახლეობის დაბერება ეკონომიკურ ზრდას შეანელებს
უახლოესი 5 წლის მანძილზე მოსახლეობის დაბერება ეკონომიკურ ზრდას 0,9 პ.პ.-ით შეანელებს. ყველაზე ასაკოვანი რეგიონი ევროპა იქნება.