სარკინიგზო ხაზზე დამატებით 11 გვირაბი აშენდება

სარკინიგზო ხაზზე დამატებით 11 გვირაბი აშენდება

access_time2021-05-11 15:00:55

საქართველოს სატრანსპორტო-ლოგისტიკური პოტენციალის განვითარების მიმართულებით მიმდინარე და დაგეგმილ ღონისძიებების შესახებ ეკონომიკის მინისტრის მოადგილემ გურამ გურამიშვილმა ანგარიში წარადგინა. მთავრობის წარმომადგენელმა დარგობრივი ეკონომიკისა და ეკონომიკური პოლიტიკის კომიტეტის სხდომაზე განაცხადა, რომ მმართველი გუნდის ერთ-ერთი მთავარი ამოცანა სატრანსპორტო-ლოგისტიკური ინფრასტრუქტურული პროექტების განხორციელებაა, რაც მისი თქმით, ქვეყნის სატრანსპორტო ფუნქციას აამაღლებს.


„ყველაზე მსხვილი პროექტი, რომელიც გვაქვს ეს არის რკინიგზის მოდერნიზაცია, რაც დასავლეთ საქართველოსა და აღმოსავლეთ საქართველოს შორის ყველაზე ვიწრო ყელის საუღელტეხილო მონაკვეთის მოდერნიზაციას გულისხმობს. საერთო ჯამში 11 გვირაბი კეთდება, მათგან ყველზე გრძელი 8.5 კმ-იანია, რომელიც ჩაანაცვლებს ე.წ წრფივ გვირაბს. პროექტი გარდა იმისა, რომ დაამოკლებს მანძილს ასევე უსაფრთხოს გახდის და შეამცირებს ქანობს რაც საშუალებას მისცემს საქართველოს რკინიგზას სიჩქარე გაზარდოს, შესაბმისად წვდომა დასავლეთსა და აღმოსავლეთს შორის იქნება უფრო მობილური. თუმცა, დარჩება მოკლე მონაკვეთი რომელსაც შემდგომში მოთხოვნისამებრ შეგვიძლია მივუბრუნდეთ და რეკონსტრუქცია გავაკეთოთ.


ასევე ძალიან მნიშვნელოვანია ბაქო-თბილისი-ყარსის რკინიგზა. ოფიციალურად ამ პროექტის მშენებლობა ბოლომდე არ დასრულებულა, თუმცა 2017 წლის 23 ნოემბრიდან ჩვენ ამ მონაკვეთზე სატესტო რეჟიმში ვოპერირებთ და გვაქვს საკმაოდ დიდი ზრდა. ძირითადი მომხმარებელი ეკონომიკები ამ კორიდორის გახლავთ ცენტრალური აზია - თურქეთი, რუსეთი - თურქეთი და თურქეთი - ჩინეთი. დღიდან გახსნისა 500 000 ტონაა გადაზიდული. თუ გავითვალისწინებთ, რომ ეს არის სატესტო რეჟიმი რაც გულისხმობს, რომ დღის განმავლობაში სამშენებლო სამუშაოები მიმდინარეობს და მხოლოდ ღამე ვოპერირებთ, ეს არის საკმაოდ კარგი მაჩვენებელი. სამუშაოების 80 პროცენტი დასრულებულია, დარჩენილია 20 პროცენტი რაც ძირითადად არის სატერმინალო სიმძლავრეები თვითონ სადგურ ახალქალაქში, რომელიც არ არის დასრულებული.  


აღმოსავლეთ-დასავლეთ ჩქაროსნულ მაგისტრალზე მიმდინარეობს ინტენსიური სამუშაოები. ესეც აღმოსავლეთ პარტნიორობის ეგიდით ხორციელდება, ძირითადი იმპლემენტატორი არის ინფრასტრუქტურის სამინისტრო შესაბამისად აქაც წვდომა იქნება და საკმაოდ კონკურენტულ გარემოს მივიღებთ“, - განმარტა მინისტრის მოადგილემ.



საქართველოს რკინიზის ისტორია 1871 წლიდან იწყება, როდესაც ზესტაფონიდან ფოთის მიმართულებით პირველი ორთქმავალი გავიდა. 1872 წელს, ფოთს უკვე თბილისი დაუკავშირდა, რომელმაც თავის მხრივ ლიანდაგით ბაქოსთან კავშირი 1883 წელს დაამყარა. რკინიგზის ელექტროფიკაციის პროცესი 1932 წელს დაიწყო და 1967 წელს დასრულდა.


რკინიგზის საერთო საექსპლუატაციო სიგრძე 1575 კმ-ს შეადგენს. (დამატებით 37 კმ ვიწროლიანდაგიანია ბორჯომ-ბაკურიანის რკინიგზა.) მას 1714 ხიდსა და 45 გვირაბს შორის უწევს გავლა.


ბოლოს, 2017 წლის 30 ოქტომბერს ექსპლუიატაციაში ბაქო-თბილისი-ყარსის მონაკვეთი შევიდა. მისი საერთო სიგრძე 826 კმ-ა, საიდანაც საქართველოზე 254 კმ გადის. ამ 254 კმ-დან ახალი მხოლოდ 26 კმ-ა. მონაკვეთის გამტარუნარიანობა წლიურად 6.5 მლნ ტონაა 17 მლნ ტონამდე ზრდის პერპსქტივით. მგზავრთნაკადი კი 1 მლნ-ს შეადგენს.


2021 წლის პირველ კვარტალში რკინიგზით 2.917 მლნ ტონა ტვირთი გადაიზადა, რაც გასული წლის ანალოგიურ პერიოდთან შედარებით 7.3%-ით მეტია. იანვარ-მარტში გადაზიდული 2.917 მლნ ტონიდან 155 ათასი ტონა ყარსი-ახალქალაქის ხაზზე მოდიოდა, ეს გასული წლის ანალოგიურ პერიოდთან შედარებით გაორმაგებული მაჩვენებელია. თავის მხრივ ყარსი-ახალქალაქის სარკინიგზო მონაკვეთ-ზე ტვირთბრუნვა 2020 წელსაც გაორმაგდა და პოტენციალის 6.2%-ს 400 ათას ტონას მიაღწია.




საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up