დღის TOP 10 საინტერესო ამბავი
1. მაკონტროლებელ სტრუქტურებს არ აქვთ ერთიანი პროტოკოლი, შემოწმებები ქაოსურია - „მეგრული სახლი“
„როდესაც მთვარობა ერთი დღით ადრე გვეუბნება, რომ ხვალ ღონისძიებებს ვეღარ ჩავატარებთ, ეს სრული უპასუხისმგებლობაა“, - ასე აფასებს მეგრული სახლის მფლობელი ეკა ჯალაღონია საქართველოს მთავრობის გადაწყვეტილებას, რომლის მიხედვითაც ქორწილები და ქელეხები ისევ აიკრძალა. „კომერსანტთან“ საუბარში ჯალაღონია აცხადებს, რომ „მეგრულ სახლში“ დაგეგმილი ყველა სოციალური ღონისძიება გაუქმდა.
2. „Snap Fitness Georgia“ „Worldclass“-ის კონკურენტ ახალ პრემიუმ ხარისხის ფილიალს ხსნის
3 თვიანი კარანტინისა და კულინარიული ნიჭის გამოვლენის შემდეგ, ფორმაში ჩადგომის მსურველი ბევრი აღმოჩნდა. თუმცა, ფიტნეს დარბაზები, რომელთა გახსნასაც საზოგადოება დიდხანს ელოდა, კორონავირუსის მეორე ტალღის ფონზე კვლავ მომხმარებელთა დეფიციტს განიცდიან.
3. რაც უფრო მეტ ფულს წირავ მთავრობას მით უფრო იოლად იგებ ტენდერებს - „ფლანგვის დეტექტორი“
„2017 წელს შპს “ბორანის” სამმა მფლობელმა ქართულ ოცნებას 40,000 ლარი შესწირა, რის შემდეგაც უკონკურენტოდ 2 მილიონის, ხოლო კონკურენტების დისკვალიფიკაციით 5.5 მილიონი ლარის ტენდერი მოიგო“, - ამის შესახებ ინფორმაციას „ფლანგვის დეტექტორი“ ავრცელებს.
4. BAG - სახელმწიფო საწვავის ხარისხის სრული სპექტრით შემოწმებას ვერ ახერხებს
საქართველოს ბიზნეს ასოციაცია საქართველოში საწვავის ხარისხთან დაკავშირებით განცახდებას ავრცელებს, როგორც ოგანიზაციაში აცხადებენ ხარისხის კონტროლის კუთხით განხორციელებული ცვლილებების პარალელურად, აუცილებელია ბენზინისა და დიზელის მოქმედ ხარისხობრივ ნორმებში რიგი კომპომენტების დამატება.
5. ბართან მომსახურება იკრძალება - რა ვალდებულებები და შეზღუდვები აქვს კვების ობიექტებს
საკორდინაციო საბჭოს მიერ 9 სექტემბერს მიღებული გადაწყვეტილებით, ეპიდემიოლოგიური ვითარებიდან გამომდინარე, საზოგადოებრივი კვების ობიექტების (რესტორანი, კაფე, სასადილო, საოჯახო სამზარეულო და ა.შ.) საქმიანობა აუცილებელია განხორციელდეს, სამუშაო ადგილებზე ახალი კორონავირუსის (COVID – 19) გავრცელების პრევენციის მიზნით, ჯანდაცვის სამინისტროს მიერ დამტკიცებული რეკომენდაციების სრული დაცვით.
6. “ჯიპიაი ჰოლდინგი” კორპორაციულ სადაზღვევო ბაზარზე ყველაზე დიდ წილს ფლობს
საქართველოს დაზღვევის ზედამხედველობის მიერ გამოქვეყნებული ანგარიშის მიხედვით “ჯიპიაი ჰოლდინგს” კორპორაციული დაზღვევის მიმართულებით ბაზარზე ყველაზე დიდი - 20%- ანი წილი აქვს. 2020 წლის 6 თვის მონაცემებით კომპანიამ კორპორაციული დაზღვევის პორტფელში 39 637 411 ლარი მოიზიდა, რაც 2019 წლის ორ კვარტალთან შედარებით 6%-ით მეტია.
საქართველოს საერთაშორისო რეზერვები მატებას განაგრძობს. 31 აგვისტოს მონაცემებით, ოფიციალური სარეზერვო აქტივების მოცულობა ისტორიულ მაქსიმუმზე და 3,931 მლრდ. დოლარს აჭარბებს. ეს კი თითქმის 91 მილიონი ლარით მეტია წინა თვესთან შედარებით.
8. მიხეილ ხიდურელი: არ ვართ ქვეყანა, რომელსაც ინვესტორები კარზე უკაკუნებენ
„ჩვენ არ ვართ ქვეყანა, რომელსაც ინვესტორები კარზე უკაკუნებენ,“- განაცხადა სააგენტოს „აწარმოე საქართველოში“ ხელმძღვანელმა მიხეილ ხიდურელმა. მისივე განმარტებით, სააგენტო 400-მდე ინვესტორთან მუშაობს.
9. Forbes: პუტინი ლუკაშენკოს 1,5 მლრდ. დოლარს ასესხებს
რუსეთი ბელორუსიას სახელმწიფო სესხის სახით 1,5 მლრდ. დოლარს გამოუყოფს - განაცხადა ვლადიმერ პუტინმა ალექსანდრ ლუკაშენკოსთან შეხვედრის შემდეგ, რომელიც 14 სექტემბერს სოჭში შედგა.
10. Le Figaro: ლტოლვილების პრობლემა ევროკავშირის ერთობას ემუქრება
საბერძნეთში, კუნძულ ლესბოსზე ლტოლვილთა ბანაკში მომხდარმა მასშტაბურმა ხანძარმა გერმანიის ხელისუფლება და პირადად ანგელა მერკელი უხერხულ მდგომარეობაში ჩააყენა.
TOP 10
