ლარის კურსის მერყეობის შესაჩერებლად სებ-ი დამატებით 200 მლნ დოლარამდე გაყიდის - სავალუტო რეზერვები ისტორიულ მაქსიმუმზეა

ლარის კურსის მერყეობის შესაჩერებლად სებ-ი დამატებით 200 მლნ დოლარამდე გაყიდის - სავალუტო რეზერვები ისტორიულ მაქსიმუმზეა

access_time2020-09-15 16:30:27

საქართველოს საერთაშორისო რეზერვები მატებას განაგრძობს. 31 აგვისტოს მონაცემებით, ოფიციალური სარეზერვო აქტივების მოცულობა ისტორიულ მაქსიმუმზე და 3,931 მლრდ. დოლარს აჭარბებს. ეს კი თითქმის 91 მილიონი ლარით მეტია წინა თვესთან შედარებით.


საქართველოს ეროვნულმა ბანკმა COVID-19-ის მიერ გამოწვეული ეკონომიკური შოკის საპასუხოდ აღნიშნული რეზერვების გამოყენება მიმდინარე წლის 13 მარტს დაიწყო, პირველ სავალუტო ინტერვენციაზე გაყიდული თანხის მოცულობამ 20 მილიონი დოლარი შეადგინა, უკანასკნელი კი 10 სექტემბერს იყო. 2020 წელს სავალუტო აუქციონების მეშვეობით სებ-მა სულ 369.5 მილიონი დოლარი გაყიდა.


თუმცა, ეროვნული ბანკის მიერ, თითქმის 400 მილიონი დოლარის ინტერვენციის შედეგად, ლარის კურსი დოლართან მიმართებაში არა თუ გამყარდა, არამედ მიმდინარე წლის პირველი იანვრიდან დღემდე დაახლოებით 25 თეთრით გაუფასურდა.



Galt & Taggart-ის კვლევების დეპარტამენტის უფროსმა ევა ბოჭორიშვილმა „კომერსანტთან“ აღნიშნა, რომ მიმდინარე წლის ბოლომდე ეროვნული ბანკი დამატებით დაახლოებით 200 მლნ დოლარის ინტერვენციას განახორციელებს, რაც ლარის კურსს დოლართან მიმართებაში 3.10-დან 3.20 ნიშნულამდე მერყეობის საშუალებს მისცემს. მისი თქმით, საერთაშორისო დონორების მიერ გადმორიცხული თანხების ანუ საგარეო ვალის ზრდის შედეგად, სავალუტო რეზერვები მნიშვნელოვნად იზრდება.


„ეროვნულმა ბანკი დონორების მიერ ჩარიცხულ თანხებს, რომელიც რეზერვებში იყრის თავს, ბაზარს მიაწვდის. მიმდინარე წელს მთავრობამ 1.5 მლრდ. დოლარი უნდა ისესხოს და ეს თანხები ეტაპობრივად ირიცხება, რაც რეზერვების ზრდაშიც აისახება. COVID-19-ის კრიზისის პირობებში, რადგან ტურიზმის სექტორში დიდი დანაკარგია, ეს დანაკლისი ბაზარს როგორმე უნდა მიაწოდოს, ამიტომ სებ-ი მნიშვნელოვან სავალუტო ინტერვენციებს განახორციელებს, მას ამ ეტაპზე დაახლოებით 370 მლნ დოლარი აქვს დახარჯული. ამ მოცულობებით თუ გაგრძელდა, ვფიქრობთ, რომ ლარის კურსის მხარდასაჭერად 150 მლნ-დან 200 მლნ დოლარის ინტერვენციას განახორციელებს. თავიდან ვფიქრობდით, რომ 400 მლნ დოლარის ინტერვენცია საკმარისი იქნებოდა, მაგრამ ეს საერთაშორისო ტურიზმის აღდგენის პირობებში, რადგან ასე არ მოხდა, ამიტომ იმაზე მეტი უნდა დაიხარჯოს ვიდრე ამას თავიდან ვვარაუდობდით. ამ ყველაფრის შედეგად კი ლარის კურსი დოლართან მიმართებაში 3.10-დან 3.20-ს ფარგლებში იმერყევებს“, - განმარტავს ევა ბოჭორიშვილი.

 

ნინო თამაზაშვილი




ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up