მაკონტროლებელ სტრუქტურებს არ აქვთ ერთიანი პროტოკოლი, შემოწმებები ქაოსურია - „მეგრული სახლი“

მაკონტროლებელ სტრუქტურებს არ აქვთ ერთიანი პროტოკოლი, შემოწმებები ქაოსურია - „მეგრული სახლი“

access_time2020-09-15 10:00:55

„როდესაც მთვარობა ერთი დღით ადრე გვეუბნება, რომ ხვალ ღონისძიებებს ვეღარ ჩავატარებთ, ეს სრული უპასუხისმგებლობაა“, - ასე აფასებს მეგრული სახლის მფლობელი ეკა ჯალაღონია საქართველოს მთავრობის გადაწყვეტილებას, რომლის მიხედვითაც ქორწილები და ქელეხები ისევ აიკრძალა. „კომერსანტთან“ საუბარში ჯალაღონია აცხადებს, რომ „მეგრულ სახლში“ დაგეგმილი ყველა სოციალური ღონისძიება გაუქმდა. ქვეყანაში შექმნილი მდგომარეობიდან გამომდინარე, მენეჯმენტმა მეგრული სახლი ათონელზე რამდენიმე თვის წინ დახურა, თუმცა ეკა ჯალაღონია ამბობს, რომ ობიექტს სექტემბრის ბოლოს მაინც გახსნის იმ იმედით, რომ შეიძლება რაღაც შეიცვალოს.

 

„წინასწარ დაგეგმილი ყველა ღონისძიება გაგვიუქმდა. ჩვენ უამრავ გასვლით ღონისძიებას ვაკეთებთ და ასე, ერთი დღით ადრე როდესაც გვეუბნება მთავრობა, რომ ხვალ უკვე აღარ შეიძლება ღონისძიების ჩატარება უბრალოდ სრული უპასუხისმგებლობა. გასვლით ღონისძიებას თავი, რომ დავანებოთ, შიგნით რესტორანში 20 ადამიანზე გათვლილი ღონისძიება რომ გვქონდეს, ორი მეტრიანი დისტანციის 6-6 სტუმარი დავსვა, ანუ ყველა რეგულაცია რომ დავიცვა, ღონისძიების გამართვა მაინც არ შემიძლია. შედეგად  აბსოლუტურად ყველა ღონისძიება გავაუქმეთ. რაც შეეხება გარე ღონისძიებებს, წინასწარ გვქონდა რაღაც-რაღაცები მომზადებული და შეკვეთილი, თანხა  გადახდილი გაქვს, ამ ყველაფერს რა ეშველება არ ვიცი“, - განაცხადა ეკა ჯალაღონიამ.

 

ყველაზე დიდი პრობლემა, რომელზეც მეგრული სახლის მფლობელი ამახვილებს ყურადღებას სახელმწიფო უწყებების არა ინფორმირებულობაა. ეკა ჯალაღონია აცხადებს, რომ სტრუქტურებს რომლებიც კვების ობიექტებს ინსპექტირებას ახორციელებენ არ აქვთ ერთიანად შემუშავებული პროტოკოლი, რომლის მიხედვითაც რესტორნები მუშაობას გააგრძელებენ.

 


„ზარალი მარტო ობიექტის დახურვა არ არის, ზარალი არის ყველაფერი ერთად. ყველაზე დიდი პრობლემა არის ის,  რომ როდესაც შემოდის სხვადასხვა უწყება,  მათ თვითონ არ აქვთ ერთი ინფორმაცია: ერთი გეუბნება, რომ რესტორანში ათ ადამიანზე მეტი არ უნდა იყოს, მეორე გეუბნება, რომ ისევ ძველი რეგულაცია უნდა დაიცვა, მესამე გეუბნება, რომ არც გარეთ და არც შიგნით მაგიდასთან 6 ადამიანზე მეტი არ უნდა გყავდეს. ვეკითხები, სად წერია რეგულაცია? მაჩვენეთ, მინდა ყველაფერი წავიკითხო. გეუბნებიან, რომ ვერ გვაჩვენებენ მოვიდნენ და გაგაფრთხილეს რაც საკმარისი უნდა იყოს. წინააღმდეგ შემთხვევაში შემდეგში ჯარიმას დაგვიწერენ. თვითონ არ აქვთ ინფორმაცია, ვერ ხვდები რომელი ინფორმაციაა სწორი, ეს არის კიდევ  ყველაზე დიდი პრობლემა, რადგან საშინელი ქაოსია. თითქოს მწყემსი ცხვრის ფარას მიერეკება და სადაც მიმართულებას უჩვენებს იქით უნდა  წავიდეს. არ ხდება ასე, ყველაფერი არის  ზარალი, თუ  სიტყვაზე მიიღებენ გადაწყვეტილებას, რომ 10 ადამიანზე მეტი რესტორანში არ შევიდეს ეს იმის ტოლფასია, რომ რესტორანი დაიხუროს. პირდაპირ არ გეუბნებიან ობიექტი დახურეო, მაგრამ მსგავსი გადაწყვეტილება სხვა არაფერია“, - აცხადებს ეკა ჯალაღონია.

 

ერთ-ერთი ცნობილი რესტორნის მფლობელი „კომერსანტთან“ საუბარში აცხადებს, რომ გამოსავალი ჩაკეტვა არ არის, მისი თქმით ნელ-ნელა გამოსავალი ვირუსთან ერთად ცხოვრების სწავლაა.

 

„დღეს საუბარი არ არის იმაზე რომ რესტორნის მუშაობით მოგება მივიღო, საუბარი იმაზე, რომ  როგორმე  ბიზნესი  გადარჩეს, არ  დავკარგოთ პერსონალი და ათობით ადამიანი ლუკმა-პურის გარეშე არ დარჩეს, თორე  დღეს მოგება  სახლში  არავის მიაქვს. აქედან გამომდინარე არანაირი მოლოდინი არ არსებობს. კორონავირუსამდე საერთო ჯამში თითო ობიექტზე 100 – 150 სტუმრის მიღება შემეძლო, ახლა მაქსიმუმი რაოდენობა 35 – 40 ადამიანია. კიდევ გვაქვს დიდი 300 სივრცე, დაახლოებით 300 ადამიანზე გათვლილი, თუმცა მაგაზე საერთოდ არ ვსაუბრობთ, დიდი ხანია დაკეტილია. მას შემდეგ რაც გავიგეთ, რომ სტუმრების  მიღების  უფლება გვაქვს, დაახლოებით 40 პროცენტით ვიყავით დატვირთულები, ახლა იქნება 20 პროცენტი“, - განმარტავს ეკა ჯალაღონია.


ბაჩო ადამია





„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს

„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს
access_time2021-03-05 18:15:08
ჯანდაცვის მინისტრის მოადგილის, თამარ გაბუნიას ინფორმაციით, „ფაიზერის“ ვაქცინა საქართველოში სავარაუდოდ, 22 მარტის კვირაში შემოვა. როგორც მან სამინისტროში გამართულ ბრიფინგზე განაცხადა, მარტის თვის ბოლოსთვის ქვეყანაში შესაძლოა „ასტრაზენეკას“ ვაქცინაც შემოვიდეს. „წინასწარი ინფორმაციით, „ფაიზერის“ ვაქცინის მოწოდება მოხდება 22 მარტის კვირაში, ამდენად, მარტის ბოლომდე ვაქცინაციის პროგრამა „ფაიზერის“ მიმართულებით დაიწყება. სიახლეა „ასტრაზენეკასთან“...

გაიაფებული რიყის დოქები ისევ ვერ გაიყიდა

გაიაფებული რიყის დოქები ისევ ვერ გაიყიდა
access_time2021-03-05 19:00:38
რიყის დოქები ისევ არ გაიყიდა. ხელახალი აუქციონზე მისი ფასი 24 მლნ-მდე ლარით იყო გაიაფებული და აუქციონზე 71,25 მლნ ლარად იყო შეთავაზებული. ქონება პროექტი „100 საინვესტიციო შეთავაზება ბიზნესს“ ფარგლებში იყო აუქციონზე გამოტანილი. ეკონომიკისა და მდგრადი განვითარების სამინისტრო ამ უძრავი ქონების გაყიდვას ზუსტად ერთ წელზე მეტია ცდილობს. 2020 წლის 5 თებერვალს აუქციონზე მისი საწყისი გასაყიდი ფასი 95 მლნ ლარი იყო, თუმცა ვაჭრობა ლოტზე არ...

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია
access_time2021-03-05 15:00:36
მშენებლობისა და ინფრასტრუქტურის კომიტეტის ფორმატით საქართველოს ბიზნეს ასოციაციაში გამართულ სამუშაო შეხვედრაზე სამშენებლო და დეველოპერულ ინდუსტრიაში არსებული გამოწვევები და პრობლემები განიხილეს, რომელთა უმეტესობა წლების მანძილზე დაგროვდა და სახელმწიფოს დროულ რეაგირებას საჭიროებს. როგორც ასოციაციის წევრი კომპანიების წარმომადგენლები აცხადებენ, სამშენებლო სექტორს სახელმწიფო სტრუქტურებში არ ჰყავს ერთი პირდაპირი კურატორი, რომელიც მოისმენს მათ წინაშე არსებულ...

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ - World Class

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ -  World Class
access_time2021-03-05 17:30:20
თითქმის 1 წლიანი პაუზის შემდეგ, 15 მარტიდან ქვეყნის მასშტაბით, ფიტნეს დარბაზები გაიხსნება. ამის შესახებ გადაწყვეტილება საკოორდინაციო საბჭოზე თებერვლის ბოლო კვირაში მიიღეს. World Class-მა გახნის დღისთვის მზადება უკვე დაიწყო. პრემიუმ კლასის ფიტნეს ცენტრის შემადგენლობაში საუნაც შედის, სადაც მხოლოდ ერთ ადამიანს ექნება შესვლის საშუალება. ხოლო პირბადის ტარება სავალდებულო წინა გახსნის დროსაც იყო, თუმცა მხოლოდ გარკვეულ ზონებში. „დავიწყეთ...

დღის Top 10 საინტერესო ამბავი

დღის Top 10 საინტერესო ამბავი
access_time2021-03-05 21:30:02
დღის Top 10 საინტერესო ამბავი: 1.„რეგულაცია ხარჯების გაზრდას და საეჭვო გარიგებების შემცირებას გამოიწვევს“ - ლომბარდებს შსს-ისთვის ინფორმაციის მიწოდება დაევალათ ლომბარდებს, ანუ „სესხის გამცემ სუბიექტებს“ აქვთ ვალდებულება 1-ელი აპრილისთვის უკვე...


მსგავსი სიახლეები

up