დღის TOP 10 საინტერესო ამბავი:

1. ცვლილება კანონში, რომელმაც მედიკამენტებზე ხელმისაწვდომობა შეზღუდა და ფასები გაზარდა

კითხვას, რატომ ძვირდება წამალი საქართველოში „კომერსანტი“ კიდევ ერთხელ დასვამს, პასუხს კი ამავე პარლამენტის ჯანმრთელობის დაცვისა და სოციალურ საკითხთა კომიტეტის უკვე ყოფილი წევრი ლევან კობერიძე გასცემს.

2. ბენზინის ფასმა 2.85 ლარს გადააჭარბა - უახლოეს პერიოდში შემცირების რესურსი არ არსებობს

საქართველოში საწვავის მორიგი გაძვირების შემდეგ, ბრენდირებულ ბენზინგასამართს სადგურებზე, ყველაზე იაფი რეგულარის ტიპის ბენზინის ფასმა 2.65-ს, პრემიუმისამ კი 2.85-ს გადააჭარბა, რაც 3 კვირის წინანდელ მაჩვენებელს 15 თეთრით, ნახავარი წლის წინანდელ მაჩვენებელს კი 70 თეთრით აღემატება. უახლოეს პერიოდში გაიაფების პერსპექტივა არ არსებობს.

3. საპარლამენტო უმრავლესობის 6 დეპუტატი გიორგი გახარიას ახალ გუნდს უერთდება

„ქართული ოცნების“ დეპუტატები - გიორგი ხოჯევანიშვილი, ალექსანდრე მოწერელია, ბექა ლილუაშვილი, შალვა კერესელიძე, მიხეილ დაუშვილი და ანა ბუჩუკური მმართველ პარტიას ტოვებენ.

4. ლარმა ვარდნა განაახლა - კურსი 3.44-ს გადასცდა

მცირეხნიანი დასტაბილურების შემდეგ ლარმა ისევ გაუფასურება დაიწყო. Bloomberg-ის სავაჭრო პლატფორმაზე 1 აშშ დოლარი 14 აპრილს 12:30 სთ-ზე 3.4450-ად ივაჭრება, რაც ოფიციალურ კურსს 2.15 თეთრით აღემატება.

5. გრინვეის მენეჯმენტი გავრცელებულ ინფორმაციას Georgian Capital-ის მიერ კომპანიის გაყიდვის შესახებ, უარყოფს

როგორც” კომერსანტს” კომპანია გრინვეის გენერალური დირექტორი ვახტანგ ებიტაშვილი უყვება, ტექდათვალიერების ქსელის გაყიდვას საინვესტიციო კომპანია უახლოეს მომავალში არ გეგმავს.

6. რესტორნები დღეს ყველაზე დაცული ადგილია, სჯობს მინისტრმა ტრანსპორტს მიხედოს

ჰკითხეთ რას ფიქრობს მინისტრი ტრანსპორტზე, სადაც ხალხი ყირაზე გადადის, იქ არაფერი ხდება, არ არის სახიფათო?“ - რესტორატორთა ასოციაციის თავმჯდომარე კოტე გაბრიჩიძე „კომერსანტთან“ ჯანდაცვის მინისტრის განცხადებას გამოეხმაურა, რომელიც ამბობს, რომ ვირუსის გავრცელების თვალსაზრისით, ყველაზე დიდ რისკს სარესტორნო ბიზნესი წარმოადგენს.

7. „დაინტერესებული კომპანიები ამ მიწებზე მომგებიანი ინვესტიციების განხორციელებას შეძლებენ„ - KTW ბოდბეში მიწის ნაკვეთებსა და ფერმებს ჰყიდის

„კახური ტრადიციული მეღვინეობა“ ბოდბეში რამდენიმე მიწის ნაკვეთს, შენობებს და ფერმებს აუქციონზე ყიდის. საერთო ჯამში, გასასხვისებელი ქონების საწყისი ფასი 13,051 მლნ ლარს შეადგენს.

8. ჭრაქის შუქზე ვიდრე შევთანხმდებით, ერთი კვირა სინათლეს ნუ ავანთებთ სახლებში და ზუსტად გვეცოდინება, რა გველოდება

არ ვარ წინააღმდეგი, რომ ჭრაქის შუქს დავუბრუნდეთ, თუ მთელი ერი ამაზე შეთანხმდება. სწორად ჭრაქის შუქზეა შექმნილი თითქმის ყველა გენიალური ქმნილება, რაც ჩვენი საგანძურია. მაგრამ, სანამ ამაზე შევთანხმდებით, ერთი კვირა სინათლეს ნუ ავანთებთ სახლებში და ზუსტად გვეცოდინება, რა გველოდება, – ამის შესახებ „ისთ გეით ჯგუფის“ სამეთვალყურეო საბჭოს თავმჯდომარე ირაკლი იაშვილი სოციალურ ქსელში წერს.

9. კარტოფილის ფასმა საქართველოში ისტორიულ მინიმუმს  მიაღწია

საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.

10. მსოფლიოს ყველაზე მდიდარი IТ-მეწარმეები - Forbes-ის ტოპ-10

პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.