დღის Top 10 საინტერესო ამბავი

დღის Top 10 საინტერესო ამბავი

access_time2021-02-12 21:00:15

დღის Top 10 საინტერესო ამბავი:

 

1. სავარაუდო ელიტური კორუფცია - მოარგეს თუ არა სს „გეფას“ 6 მილიონიანი ტენდერი

 

სახელმწიფო შესყიდვების სააგენტო 6 783 310  მლნ. ლარის სამედიცინო ხელთათმანებს შეისყიდის. წინადადების მიღება 27 იანვარს დაიწყო და ერთ დღეში 28 იანვარს დასრულდა. ტენდერში მონაწილეობა მხოლოდ ერთმა კომპანიამ სს „გეფა“-მ მიიღო და ამჟამად შესყიდვა შერჩევა-შეფასების ეტაპზეა. ამ ტენდერში განსაკუთრებული არაფერი იქნებოდა, რომ არა ერთი ფაქტორი, ფაქტორი რომელმაც ფაქტობრივად „გეფას“ კონკურენტები ჩამოაშორა.

 

 

2. როგორ გაგვიძვირდა ცხოვრება - პროდუქტების ფასები ადრე და ახლა

 

წლებია გაუფასურებული ლარით და სეზონურობით გაზრდილი ფასები პროდუქტებზე  მოსახლეობის განსაკუთრებული უკმაყოფილების მიზეზია. თითოეულ თქვენგანს ალბათ, არაერთხელ გსმენიათ უფროსი თაობის ადამიანისგან  ყოველდღე როგორ ძვირდება ცხოვრება. ალბათ თქვენთვის ისიც არ არის სიახლე, რომ საქართველოს მოსახლეობის შემოსავალი ძირითადად მხოლოდ სასიცოცხლო მოთხოვნილებების დაკმაყოფილებას ხმარდება. მათი შემოსავლების ყველაზე დიდი წილი, დაახლოებით 30%, სწორედ სურსათზე იხარჯება.

 

 

3. ოკუპირებულ აფხაზეთში ელექტროენერგიის მოხმარება ბოლო 13 წელიწადში გაორმაგდა და თბილისის მაჩვენებელს გაუთანაბრდა

 

ოკუპირებულ აფხაზეთში უფასო მიწოდებისა და ქსელის გაუმართაობის გამო ელექტროენერგიის მოხმარება მუდმივად იზრდება, რასაც ბოლო წლებში კრიპტოვალუტის გამომუშავებაც დაემატა. შედეგად 2020 წელს განუვითარებელი ეკონომიკის მქონე რეგიონმა, სადაც მოსახლეობა 250 ათასზე ნაკლებია თითქმის იმდენივე ელექტროენერგია მოიხმარა რამდენიც თბილისმა, რომლის რეალური მოსახლეობა 1.5 მლნ-ს აღემატება.

 

4. 35 000-ზე ნაკლები ვიზიტორი 524 000-ის ნაცვლად - ვარდნამ იანვარში 93%-ს გადააჭარბა

 


როგორც მოსალოდნელი იყო 2021 ტურიზმის მკვეთრი ვარდნით დაიწყო. თუ 2020 წლის იანვარში, 2019 წლის ანალოგიურ პერიოდთან შედარებით საერთაშორისო მოგზაურთა რაოდენობა 19.8%-ით 529 000-დან 633 000-მდე გაიზარდა, 2021 წლის იანვარში, 2020 წლის იანვართან შედარებით 94.5%-ით 34 909-მდე შემცირდა. იმავე პერიოდში ვიზიტორთა რაოდენობა 93.7%-ით 33 765-მდე, ხოლო ტურისტების რაოდენობა 91.9%-ით 29 542-მდე შემცირდა. ინფორმაციას ტურიზმის ეროვნული ადმინისტრაცია ავრცელებს.

 

 

5. ბოხუას კლინიკის დირექტორი: დგება რისკი გაუარესდეს სამედიცინო მომსახურების ხარისხი

 

მთავრობის გადაწყვეტილება კლინიკებს არ დაუსუბსიდირდეთ ელექტროენერგიის გაზრდილი ტარიფი, სამედიცინო მომსახურების ხარისხს გააუარესებს. როგორც ნ. ბოხუას სახელობის საქართველოს ანგიოლოგიისა და სისხლძარღვთა ქირურგიის ცენტრის დირექტორი კოტე ყიფიანი განმარტავს, ელექტროენერგიის წილი სამედიცინო მომსახურების ტარიფში საკმაოდ დიდია, შესაბამისად, ეფექტი ნეგატიური იქნება.

 

 

6. „4,2 %-იანი ეკონომიკური ზრდა საკმაოდ ოპტიმისტური პროგნოზია, რთული წარმოსადგენია, რომ ამხელა ზრდა გვქონდეს“ - „აისეტის“ მკვლევარი

 

„4,2 %-იანი ეკონომიკური ზრდა ოპტიმისტური პროგნოზია, რაც ეკონომიკის ძალიან სწრაფ აღდგენას ითვალისწინებს. მაშინ როდესაც, ქვეყანაში ვაქცინაცია ჯერ კიდევ არ დაწყებულა და მოსახლეობის დიდი ნაწილი სავარაუდოდ წლის ბოლომდე აცრილი ვერ იქნება, რთული წარმოსადგენია, რომ ამხელა ზრდა გვქონდეს.“ -  ამის შესახებ რადიო „კომერსანტის“ გადაცემა პროფესიონალებში „აისეტის“ კვლევითი  ინსტიტუტის უფროსმა მკვლევარმა დავით კეშელავამ განაცხადა. მისი თქმით, ქვეყანაში არსებული ურთულესი ლოქდაუნის და შეზღუდვების ფონზე რაიმე პროგნოზის გაკეთება რთულია.

 

 

7. „ეკონომიკის მართვა სრულად მინდობილი აქვს სამ ადამიანს, რომლებსაც წარმოდგენა არ აქვთ როგორ მუშაობს ეკონომიკა“ - პაატა ბაირახტარი

 

„ეკონომიკის მართვა სამ ადამიანს აქვს მინდობილი, რომლებსაც წარმოდგენაც არ აქვთ, თუ როგორ მუშაობს ეკონომიკა. ეს ადამიანები გვეუბნებიან როდის რა სექტორები უნდა ავამუშავოთ და როდის რა სექტორები უნდა გაიწიროს“- ამის შესახებ, რადიო კომერსანტის გადაცემა „პროფესიონალებში“ ახალგაზრდა ფინანსისტთა და ბიზნესმენთა ასოციაციის ვიცე-პრეზიდენტმა პაატა ბაირახტარმა ისაუბრა. მისივე განცხადებით, ძლიერი ეპიდემიოლოგი, მუშკეტერი თუ მეომარი, სიტუაციას ეკონომიკური აქტივობების პარალელურად მართავს. პაატა ბაირახტარის განმარტებით, ყველა ის შემსუბუქება, რასაც დღეს მთავრობა გვთავაზობს ფასადურია და რეალურად ბიზნესები საქმიანობას სრულყოფილად ვერ აგრძელებენ.

 

8. ზურაბ მარგველაშვილი: ხარისხის მისაღწევად აუცილებელია ღვინის საბაჟო სივრცეში კონტროლი

 

ყურძნის ხარისხის კონტროლის გამკაცრების შესახებ მიღებულ გადაწყვეტილებას დადებითად აფასებენ კომპანია თბილღვინოში. თუმცა, როგორც კომპანიის დამფუძნებელი აცხადებს, საქართველოდან ხარისხიანი პროდუქტის ექსპორტზე გატანისთვის ეს ნაბიჯი საკმარისი არ არის.

 

9. Newsweek: ამერიკის ეკონომიკა საგარეო ვალებზე დამოკიდებული ხდება

 

 

ამერიკის ეკონომიკა საგარეო ვალებზე სულ უფრო და უფრო დამოკიდებული ხდება. მის ფუნქციონირებას სულ უფრო მეტი უცხოური სესხი სჭირდება. ვაშინგტონში ამის თაობაზე სიმართლის თქმა არავის სურს და აშშ-ს საგარეო დავალიანების ხარისხის აღწერისთვის სხვადასხვა პოლიტკორექტული ფორმულირებები გამოიყენება. მაგალითად, „ჭარბი ხარჯების ტრაექტორია“ და „არადღევანდელი დღის პრობლემა“.

 

 

10. უორენ ბაფეტი - კრიპტოვალუტა ვირთხის საწინაამღდეგო შხამზე უარესია

 

უორენ ბაფეტი მსოფლიოში ერთ-ერთი ყველაზე ცნობილი ინვესტორია. ის წლების მანძილზე თავის პოზიციებს მილიარდერების რეიტინგში უცვლელად ინარჩუნებს. რას ფიქრობს ის მომავალზე? რა ელის კაცობრიობას უახლოეს ათწლეულებში? გაეცანით ბაფეტის 5 პროგნოზს.


თეგები:
Top 10



საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up