დღის Top 10 საინტერესო ამბავი
ავტოსატრანსპორტო საშუალებებების ტექნიკური დათვალიერების რეფორმის ამოქმედებიდან 3 წელი გავიდა. 2018 წლის 1 იანვრიდან დღემდე, რეფორმის ხარვეზიანობაზე, მონიტორინგის არარსებობასა და ინსპექტირებისას მანიპულაციების მზარდ შემთხვევებზე დარგის სპეციალისტების მხრიდან საუბრები ამ დრომდე არ წყდება. ამასთან, ფაქტია, რომ თუნდაც დედაქალაქის გრძელ საცობებში კვლავ ვხედავთ გაუმართავ ავტომობილებს და ვსუნთქავთ მათი გამონაბოლქვით გაჯერებულ ჰაერს და გვახსენდება შატილის ტრაგედია.
შემცირებული მომხმარებლები, განახევრებული გაყიდვები, გაუფასურებული ლარი და წერტილოვანი შეზღუდვები. რთული ეპიდემიოლოგიური და პოლიტიკური სიტუაციის გამო საქართველოში ბიზნესის კეთება ყოველდღე რთულდება. კომპანიების ნაწილი უკვე გაკოტრდა, ხოლო ნაწილმა ბაზარი საქართველოს ბაზარი დატოვა. „კომერსანტი“ დაინტერესდა კოვიდ 19 -ის პირობებში, მაშინ როცა ქვეყნის ეკონომიკური მდგომარეობა კვლავ მძიმე რჩება როგორ დაასრულა წელი ქსელურმა სავაჭრო ცენტრმა „უნივერსამმა“.
3. საქართველოში საწვავის იმპორტის $235 მლნ-ით შემცირდა
როგორც მოსალოდნელი იყო, კრიზისის პერიოდში იმპორტი ექსპორტზე მეტად შემცირდა. იანვარ-ნოემბერში საქართველოში საზღვარგარეთიდან შემოტანილმა პროდუქციის ღირებულებამ $7.186 მლრდ შეადგინა, რას გასული წლის ანალოგიურ პერიოდთან შეადრებით 15.9%-ით ანუ $1.358 მლრდ-ით ნაკლებია.
საქართველოს ბიზნეს ასოციაციაში საკოორდინაციო საბჭოს იმ გადაწყვეტილებას ეხმაურებიან, რომლის მიხედვითაც ბაზრობების ტიპის მსხვილი სავაჭრო ობიექტების გახსნა, მიუხედავად დაანონსებული გეგმისა, არ მოხდება.
5. მიწის რეფორმა სათანადოდ არ მიმდინარეობს - წილოსანი გახარიას
რა კონკრეტულ ნაბიჯებსა და პასუხისმგებლობებს იღებთ პარლამენტისა და ჩვენი კომიტეტის წინაშე იმისთვის, რომ მიწის რეფორმა სათანადოდ განხორციელდეს? - ამ კითხვით მიმართა პარლამენტის პლენარულ სხდომაზე, გარემოს დაცვისა და ბუნებრივი რესურსების კომიტეტის თავმჯდომარემ ნინო წილოსანმა პრემიერ მინისტრობის კანდიდატს, გიორგი გახარიას და აღნიშნა, რომ მიწის რეფორმა სათანადოდ არ მიმდინარეობს.
ავსტრიაში ყველაზე ძვირადღირებული საფასო სეგმენტის მქონე ფრანგული, იტალიური, სამხრეთ აფრიკული და მსოფლიოს სხვა ღვინოების გვერდით, ავსტრიაში ქართული ღვინო უკვე ორი წელია მსხვილ მაღაზიათა ქსელებში იყიდება. ავსტრიაში მცხოვრები ქართველი ღვინის ექსპერტი და გასტრონომი ბუთა დოლიძე, უკვე 17 წელია ევროპისთვის ქართული ღვინის პოპულარიზაციას ახდენს. ის „კომერსანტთან“ ინტერვიუში გვიყვება ქართული ღვინის, როგორც მსოფლიო ბაზარზე მთავარი „კოზირის“ მნიშვნელობაზე, ასევე როგორი იყო პანდემიის გავლენა ავსტრიულ ბიზნესზე? და საინტერესოა, როგორ უნდა გაიყიდოს ქართული პროდუქცია ავსტრიაში, თუ ქვეყანამ პანდემიის გამო, წამოიწყო კამპანია - „იყიდეთ მხოლოდ ავსტრიული საქონელი“?
„28 დეკემბრიდან როიალ ბატონი ფუნქციონირებას წყვეტს“ - ამის შესახებ ინფორმაციას სასტუმროს ადმინისტრაცია სოციალურ ქსელში ავრცელებს. განაცხადებაში ნათქვამია, რომ სასტუმრო რეგულაციებით დახუნძლულ პერიოდს განვითარებას და გაფართოებას დაუთმობს.
8. ღვინის ზოგიერთი მწარმოებელი ქართული ღვინის რეპუტაციას უკიდურესად დიდ ზიანს აყენებს - გახარია
მიუხედავად იმისა, რომ ქართული ღვინო სულ უფრო და უფრო აქტიურად იკავებს ბაზრებს, ორი საკითხია - ქართული ღვინის მარკეტინგი და პოპულარიზაცია და ხარისხის კონტროლი, - ამის შესახებ საქართველოს პრემიერ-მინისტრობის კანდიდატმა გიორგი გახარიამ პარლამენტის პლენარულ სხდომაზე დეპუტატების კითხვებზე პასუხისას განაცხადა. ინფორმაციას მთავრობის ადმინისტრაციის პრესსამსახური ავრცელებს.
9. 25-31 დეკემბერს კერძო სატრანსპორტო საშუალებებს ე.წ. ბასლეინებში მოძრაობის შესაძლებლობა ექნება
„როგორც მოგეხსენებათ, პანდემიის პირობებში დაწესებული შეზღუდვების ფარგლებში, დედაქალაქში მუნიციპალური ტრანსპორტის ფუნქციონირება დროებით შეჩერებულია, რის გამოც, მოქალაქეებს გადაადგილება მხოლოდ კერძო მფლობელობაში არსებული კერძო სატრანსპორტო საშუალებებით უწევთ“ – ამის შესახებ დღევანდელ ბრიფინგზე თბილისის ვიცე–მერმა ირაკლი ხმალაძემ განაცხადა. ინფორმაციას დედაქალაქის მერია ავრცელებს.
10. გაიცანით ექიმები, მეცინიერები და ჯანდავის სექტორის ბიზნესმენები, რომელიც პანდემიის პერიოდში მილიარდერები გახდნენ
პანდემიის დაწყების შემდეგ მსოფლიოში 50 ახალი, ჯანდაცვის სექტორთან დაკავშირებული მილიარდერი გაჩნდა. ისინი ფლობენ აქციებს და წილებს კომპანიებში, რომლებიც მუშაობენ კორონავირუსის ვაქცინაზე და წამალზე, ასევე აწარმოებენ სამედიცინო მოწყობილობებს და ინდივიდუალური დაცვის საშუალებებს.