მილიონი ლარის ზარალის და გაყიდვების 20 პროცენტიანი კლების პარალელურად „უნივერსამი“ ახალ ობიექტებს ხსნის - სავაჭრო ცენტრი 2020 წელს აჯამებს

მილიონი ლარის ზარალის და გაყიდვების 20 პროცენტიანი კლების პარალელურად „უნივერსამი“ ახალ ობიექტებს ხსნის - სავაჭრო ცენტრი 2020 წელს აჯამებს

access_time2020-12-24 11:00:10

შემცირებული მომხმარებლები, განახევრებული გაყიდვები, გაუფასურებული ლარი და წერტილოვანი შეზღუდვები. რთული ეპიდემიოლოგიური და პოლიტიკური სიტუაციის გამო საქართველოში ბიზნესის კეთება ყოველდღე რთულდება. კომპანიების ნაწილი უკვე გაკოტრდა, ხოლო ნაწილმა ბაზარი საქართველოს ბაზარი დატოვა. „კომერსანტი“ დაინტერესდა კოვიდ 19 -ის პირობებში, მაშინ როცა ქვეყნის ეკონომიკური მდგომარეობა კვლავ მძიმე რჩება როგორ დაასრულა წელი ქსელურმა სავაჭრო ცენტრმა „უნივერსამმა“. კომპანიის კომერციული დირექტორი დავით ფარესაშვილი აცხადებს, რომ „უნივერსამს“ გამოწვევებით სავსე წელი ჰქონდა. მისი განმარტებით, გარდა იმისა, რომ კომპანიას მნიშვნელოვანი ზარალი ჰქონდა, კორონავირუსის გამო გაიზარდა ხარჯიც. დავით ფარესაშვილი უჭირს იმ ზუსტი თანხის დასახელება, თუ რა შემოსავალი ვერ მიიღო კომპანიამ 2020 წელს, თუმცა ამბობს, რომ დაახლოებით ეს თანხა მილიონ ლარს შეადგენს.

 

„უნივერსამის“ კომერციული დირექტორი აცხადებს, რომ ბრუნვის შემცირებაზე მნიშვნელოვანი გავლენა კომენდანტის საათმა და გადაადგილების შეზღუდვამ მოახდინა. ბიზნესმენი გვიყვება, რომ კომპანიის ორ უმსხვილესი ობიექტი მოლებშია განთავსებული, იქ კი ბრუნვა მისი თქმით, თვეების განმავლობაში საერთოდ განახევრებულია. როგორც დავით ფარესაშვილი ამბობს სამუშაო საათების შემცირებამ გაყიდვების 20 პროცენტიანი კლება გამოიწვია.

 

„ქვეყანაში შექმილი რთული ეპიდემიოლოგიური სიტუაციიდან გამომდინარე გამოწვევებით სავსე წელი გვქონდა, კოვიდ 19- მა ბევრი პრობლემა შექმნა, თუმცა გადავეწყვეთ და ადაპტაცია მალევე მოვახერხეთ. რა თქმა უნდა ეს აისახა ბრუნვაზე, თუმცა წლის ჭრილში ასე თუ ისე ყველაფერი დაბალანსდა. საქონელ ბრუნვა როდესაც შემცირდა, კომპანიას გარკვეული პრობლემები შეექმნა, თუმცა საშემოსავლო გადასხადებისგან განთავისუფლება მნიშვნლოვანი დახმარება იყო, რადგან ჩვენთან ისეთი კონტიგენტი მუშაობს, რომელიც იმ სახელფასო დიაპაზონში ჯდება, რომელიც დასუბსიდირდა სახელმწიფოს მიერ. ამან ბიძგი მოგვცა იმისა, რომ არ გავჩერებულიყავით, ამიტომაც დამატებით კიდევ რამდენიმე ობიექტი გავხსენით. როგორც თბილისში ასევე რეგიონებში ფრანჩაიზინგის კუთხით განვვითარდით, 9 ობიექტი დაგვემატა - კერძო ტრადციული ობიექტები ჩვენი ბრენდით და ჩვენი მენეჯმენტით შემოვიყვანეთ. ეს არის პატრა ფორმატის ექსპრეს მაღაზიები.იანვარში დაემატება ამ ტიპის კიდევ 6 ობიექტი. ნავთლუღის ბაზრის ტერიტორიაზე ერთი დიდი ფილიალი დაგვემატა, ვეღარ მოესწრო ერთი ფილიალის გახსნა რუსთავში და იანვრის თვეში გავხსნით. 2021 წელს დაგეგმილი გვაქვს უნივერსამის დიდი მაღაზიის გახსნა დიღმის მასივში“, - განაცხადა დავით ფარესაშვილმა.

 

„უნივერსამის“ კომერციული დირექტორი ამბობს, რომ საშემოსავლო კუთხით სახელმწიფოს მხრიდან გადადგმული ნაბიჯი მნიშვნელოვანი დახმარება იყო, რომელიც კომპანიისთვის მისი თქმით, საკმაოდ დიდი რეინვესტიცია გამოვიდა. სწორედ ამიტომ დამატებით დახმარებას სახელმწიფოს მხრიდან აღარ ელოდება. დავით ფარესაშვილი აცხადებს, რომ ასეთ რთულ შემთხვევაში სახელმწიფოს ბიზნესიც უნდა დაეხმაროს. "კომერსანტის" კითხვაზე როგორ შეცვალა კორნავირუსმა კომპანიისთვის 2020 წელი ბიზნესმენი გვპასუხობს:  


 

„კორონავირუსის გამო 2020 წელს ვერ გავხსენით რიგი ობიექტები, პლუს გვინდოდა წარმოების განვითარება, თუმცა ამ კუთხითაც ვერ განვვითარდით. კომპანია პურ-ფუნთუშეულის, გაყინულ პროდუქციას, სალათებს და საკონდიტრო ნაწარმებს აწარმოებს, თუმცა მზა კვების გაყიდვები რადიკალურად შემცირდა, რადგან დისტანციურმა სამუშაო გარემომ სიტუაცია შეცვალა. ზარალი იმდენად დიდი იყო, გარკვეული თვეები ეს მიმართულება საერთოდ გავაჩერეთ. მაგრამ არაუშავს 2021 წელს იმედით ვუყურებთ, ყველაფერს გამოვასწორებთ“, - განმარტავს დავით ფარესაშვილი.

 

უახლოეს მომავალში კომპანია შეიძლება კიდევ ერთი პრობლემის წინაშე დადგეს. „უნივერსამის“ კომერციული დირექტორი „კომერსანტთან“ საუბრისას ყურადღებას კომერციული მომხმარებლებისთვის გაზის ტარიფის შესაძლო ზრდაზე ამახვილებს. მისი თქმით აღნიშნული გადაწყვეტილება, კომპანიისთვის მძიმე დარტყმა იქნება.

 

გაზის ტარიფის ზრდა პროდუქციის წარმოების დროს თვითღირებულებას გაგვიზრდის, ჯერჯერობით არ ვიცი სახელმწიფო ამ კუთხით, როგორ დაგვეხმარება. კომუნალური გადასახადები თუ  გაიზარდა, დაგეგმარება შეუძლებელი იქნება. ჩვენთვის ეს საკმაოდ დიდი ხარჯია, საუბარია ათიათასობით ლარზე“, - განმარტავს ბიზნესმენი.

 

 

ბაჩო ადამია





„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს

„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს
access_time2021-03-05 18:15:08
ჯანდაცვის მინისტრის მოადგილის, თამარ გაბუნიას ინფორმაციით, „ფაიზერის“ ვაქცინა საქართველოში სავარაუდოდ, 22 მარტის კვირაში შემოვა. როგორც მან სამინისტროში გამართულ ბრიფინგზე განაცხადა, მარტის თვის ბოლოსთვის ქვეყანაში შესაძლოა „ასტრაზენეკას“ ვაქცინაც შემოვიდეს. „წინასწარი ინფორმაციით, „ფაიზერის“ ვაქცინის მოწოდება მოხდება 22 მარტის კვირაში, ამდენად, მარტის ბოლომდე ვაქცინაციის პროგრამა „ფაიზერის“ მიმართულებით დაიწყება. სიახლეა „ასტრაზენეკასთან“...

გაიაფებული რიყის დოქები ისევ ვერ გაიყიდა

გაიაფებული რიყის დოქები ისევ ვერ გაიყიდა
access_time2021-03-05 19:00:38
რიყის დოქები ისევ არ გაიყიდა. ხელახალი აუქციონზე მისი ფასი 24 მლნ-მდე ლარით იყო გაიაფებული და აუქციონზე 71,25 მლნ ლარად იყო შეთავაზებული. ქონება პროექტი „100 საინვესტიციო შეთავაზება ბიზნესს“ ფარგლებში იყო აუქციონზე გამოტანილი. ეკონომიკისა და მდგრადი განვითარების სამინისტრო ამ უძრავი ქონების გაყიდვას ზუსტად ერთ წელზე მეტია ცდილობს. 2020 წლის 5 თებერვალს აუქციონზე მისი საწყისი გასაყიდი ფასი 95 მლნ ლარი იყო, თუმცა ვაჭრობა ლოტზე არ...

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია
access_time2021-03-05 15:00:36
მშენებლობისა და ინფრასტრუქტურის კომიტეტის ფორმატით საქართველოს ბიზნეს ასოციაციაში გამართულ სამუშაო შეხვედრაზე სამშენებლო და დეველოპერულ ინდუსტრიაში არსებული გამოწვევები და პრობლემები განიხილეს, რომელთა უმეტესობა წლების მანძილზე დაგროვდა და სახელმწიფოს დროულ რეაგირებას საჭიროებს. როგორც ასოციაციის წევრი კომპანიების წარმომადგენლები აცხადებენ, სამშენებლო სექტორს სახელმწიფო სტრუქტურებში არ ჰყავს ერთი პირდაპირი კურატორი, რომელიც მოისმენს მათ წინაშე არსებულ...

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ - World Class

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ -  World Class
access_time2021-03-05 17:30:20
თითქმის 1 წლიანი პაუზის შემდეგ, 15 მარტიდან ქვეყნის მასშტაბით, ფიტნეს დარბაზები გაიხსნება. ამის შესახებ გადაწყვეტილება საკოორდინაციო საბჭოზე თებერვლის ბოლო კვირაში მიიღეს. World Class-მა გახნის დღისთვის მზადება უკვე დაიწყო. პრემიუმ კლასის ფიტნეს ცენტრის შემადგენლობაში საუნაც შედის, სადაც მხოლოდ ერთ ადამიანს ექნება შესვლის საშუალება. ხოლო პირბადის ტარება სავალდებულო წინა გახსნის დროსაც იყო, თუმცა მხოლოდ გარკვეულ ზონებში. „დავიწყეთ...

ვაქცინაციის ნულოვანი სტატისტიკით საინტერესო ქვეყნების რიგში ვერ მოხვდები - პაატა ღაძაძე

ვაქცინაციის ნულოვანი სტატისტიკით საინტერესო ქვეყნების რიგში ვერ მოხვდები - პაატა ღაძაძე
access_time2021-03-05 15:30:42
ქვეყანაში, როდესაც ვაქცინაციის ნულოვანი სტატისტიკაა, საინტერესო ქვეყნების რიგში ვერ ხვდები, - ამის შესახებ „ბიზნესპარტნიორს“ „თიბისი დაზღვევის“ გენერალურმა დირექტორმა პაატა ღაძაძემ განუცხადა. „მიუხედავად ამისა, სხვა ქვეყნებთან შედარებით, ქვეყნის ეპიდემიოლოგიური ვითარება დრამატულად ცუდი არ არის. სახელმწიფოს მხრიდან ცეცხლის ჩამქრობ ვითარებაში ყოფნა და მართვა აღარ არის ადეკვატური, აღარ მუშაობს. დღეს მუშაობს სისტემური მიდგომა, წინასწარი ლოჯისტიკური მომზადება, არამარტო...


მსგავსი სიახლეები

up