``იყიდეთ მხოლოდ ავსტრიული ნაწარმი`` - ავსტრიის მთავრობის კამპანია და ქართული კომპანიების მომავალი ავსტრიაში

``იყიდეთ მხოლოდ ავსტრიული ნაწარმი`` - ავსტრიის მთავრობის კამპანია და ქართული კომპანიების მომავალი ავსტრიაში

access_time2020-12-24 14:30:44

ავსტრიაში ყველაზე ძვირადღირებული საფასო სეგმენტის მქონე ფრანგული, იტალიური, სამხრეთ აფრიკული და მსოფლიოს სხვა ღვინოების გვერდით, ავსტრიაში ქართული ღვინო უკვე ორი წელია  მსხვილ მაღაზიათა ქსელებში იყიდება. ავსტრიაში მცხოვრები ქართველი ღვინის ექსპერტი და გასტრონომი ბუთა დოლიძე, უკვე 17 წელია ევროპისთვის ქართული ღვინის პოპულარიზაციას ახდენს. ის  „კომერსანტთან“ ინტერვიუში გვიყვება ქართული ღვინის, როგორც მსოფლიო ბაზარზე მთავარი „კოზირის“ მნიშვნელობაზე, ასევე როგორი იყო პანდემიის გავლენა ავსტრიულ ბიზნესზე? და საინტერესოა, როგორ უნდა გაიყიდოს ქართული პროდუქცია ავსტრიაში, თუ ქვეყანამ პანდემიის გამო, წამოიწყო კამპანია - „იყიდეთ მხოლოდ ავსტრიული საქონელი“?


ბუთა დოლიძე ამჟამად ავსტრიაში უძღვება კომპანია Buta Qvevri Wine, რომლის მეშვეობითაც საქართველოდან წაღებული ღვინოები ისეთ მაღაზიათა ქსელებში ხვდება, როგორიცაა ავსტრიული Wine und co. როგორც თვითონ ამბობს, მისი მთავარი მიგნება ქვევრის ღვინოა. ღვინო, რომლის დაყენების ქართულ ტრადიციულ მეთოდს 2013 წელს იუნესკოს არამატერიალური კულტურული მემკვიდრეობის ძეგლის სტატუსი მიენიჭა. ბუთა ამბობს, რომ ამის შემდეგ უფრო ადვილი გახდა ამ ღვინის ევროპულ და ისეთ პრეტენზიულ ბაზარზე შეთავაზება, როგორიც ავსტრიის ბაზარია.


„2017 წელს ჩამოვედი საქართველოში და ავირჩიე ის ღვინოები, რომელიც ევროპულ გემოებს მოერგებოდა და წამოვიღე ავსტრიაში თითქმის 20 სახეობის ძვირადღირებული ღვინო. ვცდილობდი ქართული ღვინო აქაური მეღვინეების კლუბებისთვის და დიდი კომპანიებისთვის გამეცნო, რომლებიც არიან გადამყიდველები. Wine und co. ავსტრიული უდიდესი ღვინის მაღაზიების ქსელია, რომელსაც 27 ფილიალი აქვს ავსტრიის ტერიტორიაზე, 5000-ზე მეტი ღვინის სახეობა და მსოფლიოს ნებისმიერი ღვინო შეგიძლიათ აქ იყიდოთ. 2017 წლამდე მათ ქართული ღვინო არ ჰქონდათ, თუმცა გაიცნეს და გაჩნდა ინტერესი, დაიბეჭდა ჟურნალებში ქართული ღვინის შესახებ.


მაგრამ, თუ 2019 წელს წამოვიღე 3 ათასი ღვინო, 2020 წელს საერთოდ არ წამომიღია, გასაგები მიზეზების გამო.  მთელ ქვეყანაში მიდის რეკლამა-  „გთხოვთ იყიდოთ ავსტრიული ნაწარმი“, ყველა სახელმწიფო სტრუქტურა ამისკენ მოგვიწოდებს -  „გაუფრთხილდით თავს, გაიკეთეთ ნიღბები და იყიდეთ ავსტრიული პროდუქცია,“ . ეს დიდი დარტყმაა ჩემთვის იმიტომ, რომ მთელი წლის მანძილზე ბრუნვა არ მქონია და კატასტროფული სიტუაციაა.   კერძო პირები არ მყავს მომხმარებლად, უმეტესწილად რესტორნები, ბარები და დიდი მაღაზიები. როცა რესტორანი და ბარი იკეტება და მაღაზიები რჩება, რომელიც რეკლამას უკეთებს მხოლოდ ავსტრიულ პროდუქციას, ძალიან რთულია ასეთი ძვირიანი სეგმენტის ქართულ ღვინოზე ვისაუბროთ.



 

ქართული ქვევრის ღვინო, როგორც ჯოკერი ისე უჭირავს საქართველოს ხელში. ქვევრის ღვინო არის უნიკალური, ანუ ვერცერთ ღვინოს ვერ დავუყენებთ გვერდით, მას ევროპის ბაზარზე ფეხი უკვე მოკიდებული აქვს და ნელ-ნელა მიდის წინ,  მაგრამ ამას აუცილებლად ხელი უნდა შეუწყოს მაღალხარისხიანმა ქარხნის ღვინომ,“ - განმარტავს ბუთა ლომიძე.


როგორია ავსტრია პანდემიის ფონზე და როგორ უმკლავდება ბიზნესი მაღალ გადასახადებს და შემოსავლების განულებას? როგორც ბუთა დოლიძე გვიყვება, ქვეყნის საგადასახადო სამინისტრო კომპანიებს პანდემიამდელი მოგების 80 პროცენტს ყოველთვე, ყოველგვარი ბიუროკრატიული პროცედურების გარეშე ურიცხავს.


„ავსტრია ერთერთი წარმატებული ქვეყანაა მსოფლიოში, მაგრამ პანდემიის დაწყებიდან დღემდე ბევრი დარჩა სამსახურის გარეშე, ბევრი ფირმა გაკოტრდა და ჩემი ფირმაც Buta Qvevri Wine-ი გაკოტრების გზას ადგას. პანდემიასაც რომ არ მივაქციოთ ყურადღება, ავსტრიაში გადასახადები ძალიან ბევრია. შემოსავლის ნახევარზე მეტს ვუხდით სახელმწიფოს. წლების მანძილზე ვწუწუნებდი ამ ყველაფერზე. წელს ეს სურათი შემოტრიალდა, სახელმწიფო გვერდით დაუდგა პატარა კომპანიებს და უსამსახუროდ დარჩენილ მოქლაქეებს.. ანგარიშზე ზედმეტი კითხვებისა და ანკეტის შევსების გარეშე საგადასახადო სამინისტროდან გირიცხავენ თანხას. ყველა გადასახადი გადავადდა ავტომატურად. ყველა იმ ორგანიზაციას, რომლებიც დაიხურა, აუნაზღაურეს იმ თანხის 80 პროცენტი, რაც ჰქონდათ 2019 წლის ნოემბერში.


რაც შეეხება შეზღუდვებს,  აქაურობა  90-იანების კომენდანტის საათივით მუშაობს, სუპერმარკეტი, ბენზინგასამართი სადგური და აფთიაქია ღია. მაღაზიები კი ახლა გახსნეს საშობაოდ, რომ ხალხმა რაღაც იყიდოს. უფლება გაქვს, რომ ერთი ადამიანი აირჩიო ვისაც ნახულობ, ეს იქნება დედა თუ მამა, ან მეგობარი. ყველანაირი თავშეყრებსა და ივენთებზე საუბარი ზედმეტია, რადგან ძალიან მაღალი ჯარიმაა ამის დარღვევისთის,“ - ამბობს ბიზნესმენი და ღვინის ექსპერტი.


მარიამ მორგოშია





„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს

„ფაიზერის“ ვაქცინის მცირე რაოდენობა შესაძლოა საქართველომ 3 კვირაში მიიღოს
access_time2021-03-05 18:15:08
ჯანდაცვის მინისტრის მოადგილის, თამარ გაბუნიას ინფორმაციით, „ფაიზერის“ ვაქცინა საქართველოში სავარაუდოდ, 22 მარტის კვირაში შემოვა. როგორც მან სამინისტროში გამართულ ბრიფინგზე განაცხადა, მარტის თვის ბოლოსთვის ქვეყანაში შესაძლოა „ასტრაზენეკას“ ვაქცინაც შემოვიდეს. „წინასწარი ინფორმაციით, „ფაიზერის“ ვაქცინის მოწოდება მოხდება 22 მარტის კვირაში, ამდენად, მარტის ბოლომდე ვაქცინაციის პროგრამა „ფაიზერის“ მიმართულებით დაიწყება. სიახლეა „ასტრაზენეკასთან“...

გაიაფებული რიყის დოქები ისევ ვერ გაიყიდა

გაიაფებული რიყის დოქები ისევ ვერ გაიყიდა
access_time2021-03-05 19:00:38
რიყის დოქები ისევ არ გაიყიდა. ხელახალი აუქციონზე მისი ფასი 24 მლნ-მდე ლარით იყო გაიაფებული და აუქციონზე 71,25 მლნ ლარად იყო შეთავაზებული. ქონება პროექტი „100 საინვესტიციო შეთავაზება ბიზნესს“ ფარგლებში იყო აუქციონზე გამოტანილი. ეკონომიკისა და მდგრადი განვითარების სამინისტრო ამ უძრავი ქონების გაყიდვას ზუსტად ერთ წელზე მეტია ცდილობს. 2020 წლის 5 თებერვალს აუქციონზე მისი საწყისი გასაყიდი ფასი 95 მლნ ლარი იყო, თუმცა ვაჭრობა ლოტზე არ...

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია

„სამშენებლო სექტორი ხელისუფლებასთან მეტ კომუნიკაციას და პრობლემების დროულ მოგვარებას საჭიროებს“ - საქართველოს ბიზნეს ასოციაცია
access_time2021-03-05 15:00:36
მშენებლობისა და ინფრასტრუქტურის კომიტეტის ფორმატით საქართველოს ბიზნეს ასოციაციაში გამართულ სამუშაო შეხვედრაზე სამშენებლო და დეველოპერულ ინდუსტრიაში არსებული გამოწვევები და პრობლემები განიხილეს, რომელთა უმეტესობა წლების მანძილზე დაგროვდა და სახელმწიფოს დროულ რეაგირებას საჭიროებს. როგორც ასოციაციის წევრი კომპანიების წარმომადგენლები აცხადებენ, სამშენებლო სექტორს სახელმწიფო სტრუქტურებში არ ჰყავს ერთი პირდაპირი კურატორი, რომელიც მოისმენს მათ წინაშე არსებულ...

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ - World Class

„დავიწყეთ დარბაზის მომზადება გახსნისთვის, პირბადე სავალდებულოა, მაგრამ არა ინტენსიური ვარჯიშის დროს“ -  World Class
access_time2021-03-05 17:30:20
თითქმის 1 წლიანი პაუზის შემდეგ, 15 მარტიდან ქვეყნის მასშტაბით, ფიტნეს დარბაზები გაიხსნება. ამის შესახებ გადაწყვეტილება საკოორდინაციო საბჭოზე თებერვლის ბოლო კვირაში მიიღეს. World Class-მა გახნის დღისთვის მზადება უკვე დაიწყო. პრემიუმ კლასის ფიტნეს ცენტრის შემადგენლობაში საუნაც შედის, სადაც მხოლოდ ერთ ადამიანს ექნება შესვლის საშუალება. ხოლო პირბადის ტარება სავალდებულო წინა გახსნის დროსაც იყო, თუმცა მხოლოდ გარკვეულ ზონებში. „დავიწყეთ...

ვაქცინაციის ნულოვანი სტატისტიკით საინტერესო ქვეყნების რიგში ვერ მოხვდები - პაატა ღაძაძე

ვაქცინაციის ნულოვანი სტატისტიკით საინტერესო ქვეყნების რიგში ვერ მოხვდები - პაატა ღაძაძე
access_time2021-03-05 15:30:42
ქვეყანაში, როდესაც ვაქცინაციის ნულოვანი სტატისტიკაა, საინტერესო ქვეყნების რიგში ვერ ხვდები, - ამის შესახებ „ბიზნესპარტნიორს“ „თიბისი დაზღვევის“ გენერალურმა დირექტორმა პაატა ღაძაძემ განუცხადა. „მიუხედავად ამისა, სხვა ქვეყნებთან შედარებით, ქვეყნის ეპიდემიოლოგიური ვითარება დრამატულად ცუდი არ არის. სახელმწიფოს მხრიდან ცეცხლის ჩამქრობ ვითარებაში ყოფნა და მართვა აღარ არის ადეკვატური, აღარ მუშაობს. დღეს მუშაობს სისტემური მიდგომა, წინასწარი ლოჯისტიკური მომზადება, არამარტო...


მსგავსი სიახლეები

up