გერმანიაში დასაქმებული მოსახლეობის თითქმის 25% ნაწილობრივ მაინც, თავის მოვალეობებს დისტანციურად ასრულებს . ამ მონაცემებს ეკონომიკური კვლევების ინსტიტუტი Ifo ავრცელებს. ამის შესახებ „ევროპულსი“ წერს.
შედარებისთვის, გერმანიის სტატისტიკის ფედერალური სამსახურის (Destatis) მონაცემებით, 2019 წელს დასაქმებულთა მხოლოდ 4–5%-ს შეეძლო სახლიდან მუშაობა.
ყველაზე გავრცელებული დისტანციური ფორმატი არის მომსახურების სექტორში, სადაც დასაქმებულთა 34.3% მუშაობს სახლიდან. დამამუშავებელ მრეწველობაში ეს მაჩვენებელი 16,9%-ია, ვაჭრობაში – 12,5%, ხოლო სამშენებლო ინდუსტრიაში მუშების მხოლოდ 4,6%-ს შეუძლია ასეთი რეჟიმის დაშვება.
