ვოლოდიმირ ზელენსკიმ ანტიკორუფციული ორგანოებისთვის დამოუკიდებლობის აღდგენის შესახებ კანონს ხელი მოაწერა, - ამის შესახებ ინფორმაციას უკრაინული მედია ქვეყნის პრეზიდენტზე, ვოლოდიმირ ზელენსკიზე დაყრდნობით ავრცელებს.
“მე ახლახან მოვაწერე ხელი დოკუმენტს. ტექსტი დაუყოვნებლივ გამოქვეყნდება. ეს ანტიკორუფციული ორგანოებისა და ჩვენი სახელმწიფოს სამართალდამცავი სტრუქტურების ნორმალური და დამოუკიდებელი მუშაობის გარანტია“, - წერს ვოლოდიმირ ზელენსკი „ტელეგრამის“ არხზე.
ვოლოდიმირ ზელენსკიმ კანონის მხარდაჭერისთვის უკრაინელ დეპუტატებს მადლობა გადაუხადა და აღნიშნა, რომ „მნიშვნელოვანია, სახელმწიფომ საზოგადოებრივ აზრს მოუსმინოს“.
„უკრაინა დემოკრატიაა - ეს ეჭვგარეშეა. ასევე, ოფიციალური პირები უკრაინის პარტნიორებს ამ კანონის შესახებ დაუყოვნებლივ აცნობებენ“, - აღნიშნავს უკრაინის პრეზიდენტი.
შეგახსენებთ, დღეს უკრაინის უმაღლესმა რადამ ქვეყნის პრეზიდენტის, ვოლოდიმირ ზელენსკის მიერ წარდგენილი კანონპროექტი მიიღო, რომელიც ანტიკორუფციული ბიუროსა და სპეციალური ანტიკორუფციული პროკურატურისთვის დამოუკიდებლობის აღდგენას ითვალისწინებს.
კანონპროექტს მხარი 331-მა დეპუტატმა დაუჭირა.
