უკრაინის პოლიციამ და უსაფრთხოების ძალებმა კიევში დააკავეს ოთხი პირი, რომლებსაც, სავარაუდოდ, რუსულ დაზვერვასთან ჰქონდათ კავშირი და სამხედრო სატრანსპორტო საშუალებების დაწვაში არიან ეჭვმიტანილნი.
პოლიციის ცნობით, ერთ-ერთი ასეთი შემთხვევის დროს, პეჩერსკის რაიონის ერთ-ერთ ქუჩაზე ხანძარმა მთლიანად გაანადგურა „მერსედეს ვიტოს“-ს მარკის მიკროავტობუსი. ავტომობილი ეკუთვნოდა სამხედრო მოსამსახურეს, რომელიც, მკურნალობის მიზნით, უკრაინის დედაქალაქში იმყოფებოდა.
„დანაშაულის ჩადენისთვის 31 და 32 წლის ასაკის კიევის ორი მკვიდრია დაკავებული“, - განაცხადა უკრაინის ეროვნულმა პოლიციამ.
სხვა ინციდენტის დროს, 24 წლის ორმა თანამცხოვრებმა პირმა სვიატოშინის რაიონში „ფოლკსვაგენის“ მარკის სამხედრო ავტობუსს წაუკიდა ცეცხლი. სამართალდამცავებმა ეჭვმიტანილები მაშინ დააკავეს, როდესაც მათ ახლოს გაჩერებული სატვირთო მანქანის დაწვა სცადეს.
გამოძიების თანახმად, ორივე შემთხვევაში, რუსეთის სადაზვერვო სამსახურებმა ეჭვმიტანილებს, ცეცხლის წაკიდებისთვის სანაცვლად, სავარაუდოდ,1000 დოლარი აღუთქვეს, რომელიც მათ, დაპირების მიუხედავად, არ მიუღიათ.
წყარო: 1 არხი
