Twix-მა ახალი სარეკლამო კამპანია წამოიწყო სახელწოდებით, „ორი ერთზე მეტია.“ მასში ბრენდმა შოკოლადის მარცხენა და მარჯვენა ჯოხების მეტოქეობის იდეა ურთიერთდაახლოებით შეცვალა.
ინფორმაციას Marketing Beat ავრცელებს.
კერძოდ, Twix-მა თავისი შოკოლადის ბატონები ავტომობილებს შეადარა. სიუჟეტის მიხედვით, ერთ-ერთი ავტომობილი დევნას გაურბის და კლდიდან ვარდება, თუმცა მეორე იდენტური ავტომობილის სახურავზე წარმატებით ეცემა და გადარჩება.
ამ გზით Twix ფსონს ახალგაზრდა აუდიტორიაზე დებს, რომელსაც პოლარიზაციაზე მეტად ერთიანობისა და მაქსიმალიზმის კულტურა იზიდავს.
ვიდეორგოლი სააგენტო Adam&EveDDB-ის მიერ არის გადაღებული, რომლის რეჟისორიც ვედრან რუპიჩია.
Mars Snacking-ის მთავარ ბრენდ-დირექტორ რენკინ კეროლის თქმით, კომპანიამ Twix-პლატფორმას გადახედა და “მარცხენა თუ მარჯვენა ჯოხის” არჩევანის იდეა ჩაანაცვლა იდეთ, უმჯობესია “ყველაფერი გქონდეს.” ეს პოზიციონირება, მთავარი დირექტორის შეფასებით, “ცალსახად შეესაბამება ბრენდ Twix-სა და მის ორბატონიან ფორმატს.”
სარეკლამო კამპანია 360 ფორმატით გარე რეკლამებზე, ტელევიზიაში, სოციალურ მედიასა და PR-არხებზე მსოფლიოს 75 ბაზარზე, მათ შორის, დიდ ბრიტანეთში, აშშ-სა და გერმანიაში ჩატარდება.
ცნობისთვის: 2023 წელს კომპანია Mars-მა გადაწყვიტა, სარეკლამო რგოლებში აქცენტი ეკოლოგიურობაზე გაეკეთებინა. კერძოდ, ბრენდ M&Ms-ის, Twix-ისა და Bounty-ის რეკლამებში კლიმატსა და ნარჩენებზე საუბრობდნენ, ხოლო კამპანიას “Healthy Planet Productions” (“ჯანსაღი პლანეტის პროდუქცია”) ეწოდა.
