უალკოჰოლო ლუდისა და სიდრის გლობალური ბაზარი 2027 წლისთვის 11,6 მილიარდ დოლარს მიაღწევს და გაიზრდება დაახლოებით 16%-ით, ხოლო უალკოჰოლო ძლიერი სასმელების ბაზარი ზრდის კიდევ უფრო დიდ ტემპებს აჩვენებს - 2024-2028 წლებში ის გაიზრდება 36,7%-ით $478,9 მილიონამდე – ასეთ პროგნოზებს, Just Drinks–ი, GlobalData-ს მიერ ჩატარებულ ბაზრის ანალიზზე დაყრდნობით ავრცელებს.
გამოცემის თანახმად, ალკოჰოლის ბაზრის მსხვილი მოთამაშეები ითვალისწინებენ უალკოჰოლო სასმელების გაყიდვების სტაბილური ზრდის ტემპებს და სულ უფრო მეტად იღებენ ამ კატეგორიაში თავიანთი პორტფელის გაფართოების გადაწყვეტილებას.
