გლობალური სასაქონლო ვაჭრობის მოცულობა 2025 წლის პირველ კვარტალში წინა წელთან შედარებით 5.3%-ით გაიზარდა, რადგან ჩრდილოეთ ამერიკიდან იმპორტი გაიზარდა ტრამპის ადმინისტრაციის მიერ ტარიფების გაზრდის მოლოდინში, – ამის შესახებ ნათქვამია მსოფლიო სავაჭრო ორგანიზაციის (WTO) ანგარიშში.
კვარტალურად, ეს მაჩვენებელი 3.6%-ით გაიზარდა.
„შეერთებული შტატების მიერ მეორე კვარტალის დასაწყისში, 2 აპრილს გამოცხადებული ახალი ტარიფები ზოგადად მოსალოდნელი იყო, რაც იმპორტიორებს საშუალებას აძლევს, დააჩქარონ შესყიდვები, რათა თავიდან აიცილონ მაღალი გადასახადების გადახდა“, - ნათქვამია ანგარიშში.
პირველ კვარტალში ვაჭრობის ზრდამ მსოფლიო სავაჭრო ორგანიზაციის მოლოდინს გადააჭარბა.
ჩრდილოეთ ამერიკაში იმპორტის ყველაზე დიდი ზრდა დაფიქსირდა კვარტალში 13.4%-ით. აფრიკაში იმპორტი გაიზარდა 5.1%-ით, სამხრეთ და ცენტრალურ ამერიკასა და კარიბის ზღვის აუზში - 3.6%-ით, ახლო აღმოსავლეთში - 3%-ით, ევროპაში - 1.3%-ით და აზიაში - 1.1%-ით.
