„როიტერის“ ცნობით, OPEC+-ის ალიანსი აპრილში ნავთობის წარმოებას მოკრძალებულად, დღეში 206 000 ბარელით გაზრდაზე შეთანხმდა, სწორედ მაშინ, როდესაც ირანის წინააღმდეგ აშშ-სა და ისრაელის შეტევამ და მისმა საპასუხო დარტყმებმა ახლო აღმოსავლეთის ძირითადი ქვეყნებიდან მომარაგების შეფერხება გამოიწვია.
მომარაგების შეფერხებების შესამსუბუქებლად OPEC+-მა ადრეც გაზარდა მოპოვება.
საუდის არაბეთმა ბოლო კვირების განმავლობაში ნავთობის წარმოება და ექსპორტი დღეში დაახლოებით 500 000 ბარელამდე გაზარდა, ირანზე, რომელიც ასევე OPEC+-ის წევრია, აშშ-ის მიერ მოსალოდნელი დარტყმების ფონზე.
როგორც გამოცემა წერს, ახლო აღმოსავლეთის ლიდერებმა ვაშინგტონი გააფრთხილეს, რომ ირანთან ომმა შესაძლოა ნავთობის ფასი ბარელზე 100 დოლარამდე გაზარდოს, განაცხადა OPEC-ის ყოფილმა ანალიტიკოსმა ჰელიმა კროფტმა, რომელიც ამჟამად კანადის სამეფო ბანკში მუშაობს. ბრიტანული ბანკ Barclays-ის ანალიტიკოსებმაც განაცხადეს, რომ ფასები შესაძლოა 100 დოლარამდე გაიზარდოს.
