Microsoft-მა რამდენიმე დღის წინ წარმოადგინა ყველაზე პატარა Xbox კონტროლერი. ახალი XBOX Nano Controller-ის სიგრძე 5 ინჩზე ოდნავ მეტია, ხოლო წონა - სულ რაღაც 3.5 უნცია (დაახლოებით 100 გრამი). მასში წარმოდგენილია თამაშისთვის საჭირო ყველა - 18-ვე სტანდარტული მართვის ელემენტი.
XBOX Nano Controller-ის ფასი 49.99 დოლარია და ის აღჭურვილია დატენვადი აკუმულატორითა და პროგრამირებადი ღილაკით (Action Button). ამ ღილაკის მორგება შესაძლებელია სხვადასხვა ფუნქციაზე, მაგალითად: ეკრანის სურათების გადაღება, ვიდეოჩანაწერი ან სხვა ხშირად გამოყენებადი ბრძანებები. XBOX Wireless-ისა და Bluetooth-ის მხარდაჭერის წყალობით, ის მარტივად უკავშირდება სხვადასხვა თავსებად მოწყობილობას.
კომპანიის ცნობით, ნოემბრიდან მოწყობილობა ხელმისაწვდომი იქნება შემდეგ ქვეყნებში: არგენტინა, ავსტრალია, ავსტრია, ბელგია, ბრაზილია, კანადა, ჩინეთი, კოლუმბია, ჩეხეთი, დანია, დომინიკის რესპუბლიკა, ფინეთი, საფრანგეთი, გერმანია, გვატემალა, ჰონკონგი, უნგრეთი, ირლანდია, იტალია, იაპონია, კორეა, მექსიკა, ნიდერლანდები, ახალი ზელანდია, ნორვეგია, პანამა, პერუ, პოლონეთი, პორტუგალია, სლოვაკეთი, ესპანეთი, შვეიცარია, ტაივანი, ტრინიდადი და ტობაგო, გაერთიანებული სამეფო და შეერთებული შტატები.
