ირანმა სვაზილენდის დროშის ქვეშ მცურავი გემი კონტრაბანდული საწვავის გადატანის გამო დააკავა. „როიტერი“ საინფორმაციო სააგენტო Tasnim-ზე დაყრდნობით წერს, რომ გემს 350 000 ლიტრი კონტრაბანდული საწვავი გადაჰქონდა.
„ჩვენ დავაკავეთ გემი, რომელსაც კონტრაბანდული საწვავი გადაჰქონდა და სვაზილენდის დროშით ცურავდა. საწვავი ბუშერის სანაპიროზე სასამართლოს გადაწყვეტილების საფუძველზე ჩამოიტანეს და მისი გადმოტვირთვა მიმდინარეობს“, – განაცხადა ირანის რევოლუციური გვარდიის საზღვაო ძალების მეთაურმა.
მისივე თქმით, გემის ეკიპაჟის 13 წევრი ინდოეთიდან და მეზობელი ქვეყნებიდან არიან.
