ამერიკულმა სტარტაპმა Anthropic–მა, რომელსაც OpenAI-ის მთავარ კონკურენტს უწოდებენ, ინვესტიციების ახალი რაუნდის შემთხვევაში შესაძლოა 100 მილიარდ დოლარზე მეტი შეფასება მიიღოს. როგორც Bloomberg წერს, კომპანიას ოფიციალურად არ გაუხსნია სახსრების მოზიდვის პლატფორმა, თუმცა ინვესტორები უკვე სთავაზობენ დაფინანსებას ასეთი პირობებით.
ეს მნიშვნელოვნად აღემატება წინა შეფასებას, რომელიც 61.5 მილიარდ დოლარს შეადგენდა, როდესაც Anthropic-მა Lightspeed Venture Partners-ის ხელმძღვანელობით 3.5 მილიარდი დოლარის დაფინანსება მიიზიდა.
ინტერესი Anthropic-ის ჩატბოტ Claude–ის სწრაფ წარმატებას უკავშირდება, რომელიც Anthropic-ის ფლაგმანური პროდუქტია და OpenAI-ის ChatGPT-ს კონკურენციას უწევს. Bloomberg-ის ცნობით, Claude-ის წლიური შემოსავალი ბოლო თვეში 3 მილიარდი დოლარიდან 4 მილიარდ დოლარამდე გაიზარდა. ამან Anthropic-ს ხელი შეუწყო ვენჩურული კაპიტალისტების ყურადღების მიპყრობაში, რომლებიც სულ უფრო ხშირად სთავაზობენ დაფინანსებას წამყვან ხელოვნურ ინტელექტთან დაკავშირებულ კომპანიებს.
