GUNS N'ROSES-ის კონცერტის ბილეთების გაყიდვა TKT.GE-ზე 20 იანვარს 11:00 საათზე დაიწყება. აღნიშნულის შესახებ ინფორმაციას Black Sea Arena ავრცელებს.
მათივე ცნობით, ბილეთის ღირებულება 280-1000 ლარამდე იქნება. კერძოდ, starring - 280 ლარი, orbit - 450 ლარი, ხოლო vip - 1000 ლარი.
"Starring Georgia-ს მუსიკალური ოდისეის ლოიალურ თანამგზავრებს გაქვთ უნიკალური შესაძლებლობა ისარგებლოთ Pre Sale-ით ორი დღით ადრე. თუ უკვე ფლობთ Starring Card-ს, 18 იანვარს 11:00 საათზე, არ გამოტოვოთ სპეციალურად თქვენთვის შექმნილი შესაძლებლობა და შეიძინეთ ლიმიტირებული რაოდენობის ბილეთები 20%-იანი ფასდაკლებით. შეთავაზება მოქმედებს ყველა კატეგორიის ბილეთზე", - აღნიშნულია გავრცელებულ ინფორმაციაში.
ცნობისთვის, საქართველოს მთავრობის ახალი დადგენილებით, Starring Georgia-ს მიერ საქონლისა და მომსახურების შესყიდვების სპეციალური წესი დამტკიცდა. შესაბამისად, აღნიშნული ფასები მთავრობის მიერ არის სუბსიდირებული.
