ეკონომიკური თანამშრომლობისა და განვითარების ორგანიზაციის (OECD) წინასწარი ანგარიშის თანახმად, G20-ის ქვეყნების ეკონომიკა 0,7%-ით გაიზარდა 2024 წლის მესამე კვარტალში წინა სამ თვესთან შედარებით. ამრიგად, მშპ-ს ზრდის ტემპი დაჩქარდა მეორე კვარტალში შესწორებულ 0.6%-თან შედარებით.
ივლის-სექტემბერში ზრდის ყველაზე მნიშვნელოვანი ტემპები ინდონეზიის (1,2%), ინდოეთისა და მექსიკის (ორივე ქვეყანაში 1,1%-ით) ეკონომიკებმა აჩვენეს. ამასობაში სამხრეთ აფრიკის მშპ 0,3%-ით შემცირდა, თურქეთს - 0,2%-ით.
გერმანიისა და სამხრეთ კორეის ეკონომიკა 0,1%-ით გაიზარდა მეორე კვარტალში შესაბამისად 0,3%-ით და 0,2%-ით შემცირების შემდეგ.
G20-ის ქვეყნების ეკონომიკა გასულ კვარტალში წლიურად 2,8%-ით გაიზარდა. აპრილ-ივნისში ზრდის ტემპმა 3% შეადგინა. ყველაზე მნიშვნელოვანი ზრდა ინდოეთის (5,8%-ით) და ინდონეზიის (5%-ით) მშპ-მ აჩვენა. ამასთან, გერმანიის ეკონომიკის მოცულობა 0,3%-ით შემცირდა, რაც ყველაზე მნიშვნელოვანი კლება იყო G20-ის ქვეყნებს შორის.
OECD, 2021 წლის მეოთხე კვარტალიდან არ ითვალისწინებს რუსეთის მონაცემებს.
