ევროკავშირმა არ უნდა უპასუხოს აშშ-ის მიერ დაწესებულ ტარიფებს იმავე ზომებით, – „როიტერის“ ინფორმაციით, ამის შესახებ საფრანგეთის ფინანსთა მინისტრმა, ერიკ ლომბარდმა განაცხადა.
„ჩვენ ვმუშაობთ საპასუხო ზომების პაკეტზე, რომელიც შეიძლება გასცდეს ტარიფებს, რათა მოვიყვანოთ აშშ მოლაპარაკებების მაგიდასთან და მივაღწიოთ სამართლიან შეთანხმებას. ჩვენ თუ გავაკეთებთ იმას, რასაც შეერთებული შტატები, თუ გამოვიყენებთ ტარიფებს ყველა ამერიკული იმპორტის მიმართ, ჩვენც გვექნება უარყოფითი ეფექტი ევროპაში, რაც ნიშნავს, რომ ჩვენც გამოვცდით ინფლაციის ზრდას და ეკონომიკის შემცირებას“, – განაცხადა ლომბარდმა.
მანამდე, აშშ-ის პრეზიდენტის მიერ გამოცხადებული ტარიფების საპასუხოდ, საფრანგეთის პრეზიდენტი ემანუელ მაკრონი გამოვიდა მოწოდებით, რომ აშშ-ში შეჩერდეს ფრანგული ინვესტიციები იქამდე, ვიდრე სიტუაცია გაირკვევა.
როგორც მაკრონის განცხადებასთან დაკავშირებით ლომბარდმა განაცხადა, კომპანიებს აქვთ თავისუფლება, გადაწყვიტონ, შეაჩერებენ თუ არა ინვესტიციებს შეერთებულ შტატებში.
წყარო: 1tv.ge
