აშშ-ის პრეზიდენტი დონალდ ტრამპი აცხადებს, რომ ვლადიმერ პუტინს ძალიან მალე დაელაპარაკება. ამის შესახებ მან ჟურნალისტებს განუცხადა.
უკრაინაში მიმდინარე ომზე საუბრისას ჟურნალისტმა მას ჰკითხა, თუ როდის გეგმავდა ვლადიმერ პუტინთან საუბარს.
„ძალიან მალე. მომდევნო რამდენიმე დღის განმავლობაში. შეხედეთ, ჩვენ ამას გავაკეთებთ. რუსეთსა და უკრაინაში არსებულ სიტუაციასთან დაკავშირებით, ჩვენ ამას მოვაგვარებთ. დარწმუნებული ვარ, რომ ამას მოვაგვარებთ“, – განაცხადა ტრამპმა.
ამერიკის პრეზიდენტმა ასევე აღნიშნა, რომ მის მსგავსად პუტინს კარგად უგებდა პირველი ლედი მელანია ტრამპიც, თუმცა ამ ეტაპზე ისინი იმედგაცრუებულები არიან.
„იცით, პირველი ლედი პუტინთან შესანიშნავად ურთიერთობდა, ისევე როგორც მე. თუმცა, იცით, ჩვენ იმედგაცრუებულები ვართ. ორივე იმედგაცრუებული ვართ, რომ ეს აბსურდული ომი გრძელდება“, – აღნიშნა აშშ-ის პრეზიდენტმა.
