დიდ ბრიტანეთში გასამგზავრებლად ევროპელ ვიზიტორებს დღეიდან ელექტრონული ნებართვის მიღება დასჭირდებათ, – ამის შეახებ „როიტერი“ წერს.
ელექტრონული სამოგზაურო ავტორიზაციის (ETA) სისტემა ყველა ვიზიტორისგან, რომელიც ბრიტანეთში მოგზაურობისთვის ვიზას არ საჭიროებს, წინასწარი ონლაინ ავტორიზაციის მიღებას მოითხოვს, რომლის ღირებულება 9 აპრილიდან, დაახლოებით 19 ევრო იქნება.
ელექტრონული სამოგზაურო ავტორიზაციისგან გათავისუფლებული იქნებიან ირლანდიის მოქალაქეები.
აპლიკაციის შევსების შემდეგ ელექტრონული სამოგზაურო ავტორიზაციის მოთხოვნაზე პასუხს მოგზაური ავტომატურად რამდენიმე წუთში მიიღებს.
განმცხადებელმა უნდა შეავსოს კითხვარი ბიოგრაფიული დეტალებისა და კრიმინალური წარსული შესახებ.
აღნიშნული სისტემა თავდაპირველად ევროკავშირის არა-წევრი ქვეყნების მოქალაქეებისთვის გასულ წელს ამოქმედდა, მათ შორის აშშ-ის, კანადისა და ავსტრალიის მოქალაქეებისთვის.
„ETA-ს გაფართოება მთელ მსოფლიოში აძლიერებს ჩვენს ერთგულებას, გავაძლიეროთ უსაფრთხოება ტექნოლოგიებისა და ინოვაციების გზით“, – განაცხადა გასულ თვეს გაერთიანებული სამეფოს მიგრაციის მინისტრმა, სიმა მალჰოტრამ.
ავიაკომპანიები, საზღვაო და სარკინიგზო კომპანიები ვალდებული იქნებიან მგზავრის ელექტრონული სამოგზაურო ავტორიზაციის სტატუსის შემოწმებაზე.
2023 წელს გაერთიანებულმა სამეფომ ევროკავშირის ქვეყნებიდან 22,5 ვიზიტორი მიიღო.
