Alibaba-ს ინტელექტუალური გამოთვლის ინსტიტუტმა ადამიანების სტატიკური სურათებიდან ანიმაციის შესაქმნელად ხელოვნური ინტელექტის ახალი სისტემა, EMO (Emote Portrait Alive) გამოუშვა. ინფორმაციას VentureBeat ავრცელებს.
მკვლევრების მიერ შემუშავებულ სისტემას შეუძლია შექმნას სტატიკური სურათების ანიმაცია, რაც მათ სახეს რეალისტურ გამომეტყველებას და თავის მოძრაობებს აძლევს, რომელიც ზუსტად ემთხვევა საუნდტრეკის ემოციურ ტონებს.
რაც განასხვავებს EMO-ს ტრადიციული მეთოდებისგან აუდიოს ვიდეოდ პირდაპირი კონვერტაციაა.
მკვლევრები აცხადებენ, რომ EMO აღემატება არსებულ მეთოდებს ვიდეოს ხარისხისა და იდენტიფიკაციის შენარჩუნების თვალსაზრისით. თუმცა, არსებობს პოტენციური პრობლემა ამ ტექნოლოგიის ბოროტად გამოყენებისას ფეიქების შესაქმნელად.
