ჩინურმა ტექნოლოგიურმა გიგანტმა, Alibaba-მ ბაზარზე ახალი AI-ჩატბოტი Qwen წარადგინა, ინფორმაციას Bloomberg ავრცელებს.
გამოცემის ინფორმაციით, გაშვებიდან პირველ კვირაში Qwen-ის გამომწერთა რაოდენობამ 10 მილიონს გადააჭარბა.
როგორც კომპანიის განცხადებაშია ნათქვამი, Qwen-ის ალგორითმი სრულად ეფუძნება Alibaba-ს მიერ შექმნილ სისტემას, Data-ცენტრებს და მონაცემებს, რაც ჩატბოტს ჩინურ ბაზარზე კონკურენტულ უპირატესობას აძლევს, ვინაიდან, მან უკეთესად იცის როგორც ენა, ასევე კულტურული კონტექსტი, რომელშიც ChatGPT და Gemini მას ჩამორჩებიან.
AI-ის განვითარების მიზნით, მომდევნო წლების განმავლობაში Alibaba $50 მილიარდის ინვესტირებას გეგმავს, ამ თანხის დიდი ნაწილი კი სწორედ Qwen-ის ფუნქციონალის გაფართოებას მოხმარდება.
