იმ ფონზე, როდესაც თითქმის ყველა სექტორი კვალიფიციური კადრების დეფიციტზე საუბრობს, პროფესიული განათლების მიღების მსურველთა რაოდენობა მომატებულია. როგორც სკოლა ახლადდამთავრებულები, ასევე ზრდასრული პირები, რომელთაც ახალი პროფესიის შეძენა სურთ, განათლების მისაღებად ხშირად ირჩევენ პროფესიული განათლების დაწესებულებებს,
„კომერსანტი“ შეეცადა გაერკვია, რომელია საქართველოში ყველაზე დიდი ბრუნვის მქონე 5 პროფესიული სასწავლებელი.
საქსტატის მიერ „კომერსანტისთვის“ მიწოდებული ინფორმაციის თანახმად, 2021 და 2022 წლის წლიური ბრუნვის მიხედვით, ტოპ 5 პროფესიული სასწავლებელი ასე გამოიყურება (სია არ არის დალაგებული რეიტინგის მიხედვით).
2021 წელი
- შპს საზოგადოებრივი კოლეჯი ამაგი
დაფუძნდა 2012 წელს, დირექტორი - რუსუდან სუხიშვილი. შპს 50-50%-იან წილებს ეკატერინე სუხიშვილი და რუსუდან სუხიშვილი ფლობენ. კოლეჯი შიდა ქართლში, კერძოდ გორძი მდებარეობს, მისი პროფესიულ საგანმანათლებლო პროგრამებში შედის სტომატოლოგის ასისტენტი, საექთნო განათლება, ფარმაცია, ვეტერინარია - შპს საზოგადოებრივი კოლეჯი კავკასიონი
დაფუძნდა 2012 წელს. დირექტორი - რაინდი ლომაიაა და ის ფლობს შპს-ს 100%-საც. კოლეჯს ორი ფილიალი აქვს თბილისსა და ქუთაისში. სწავლა შესაძლებელია 6 პროგრამაზე: ფარმაცია (სააფთიაქო), საექთნო საქმე, სკოლამდელი აღზრდა, საფინანსო სერვისები, ინფორმაციული ტექნოლოგი, ბუღალტრული აღრიცხვა - შპს ცხუმ-ეგრისი
დაფუძნდა 2006 წელს. შპს-ს დირექტორი და 100% წილის მფლობელი გელა მამფორიაა. კოლეჯი ზუგდიდში მდებარეოსბს და 8 საგანმანათლებლო პროგრამას ახორციელებს: საექთნო საქმე, ფარმაცია (სააფთიაქო), აღმზრდელი (სკოლამდელი განათლება), ბუღალტრული აღრიცხვა, საოფისე საქმე, ინფორმაციის ტექნოლოგია, ელექტროობა, საფინანსო სერვისები. - შპს საზოგადოებრივი კოლეჯი პანაცეა
დაფუძნდა 2011 წელს, დირექტორი ვასილ კიკნაძე, 100%-იან წილს კი შპს სამედიცინო ინსტიტუტი პანაცეა ფლობს (რომლის 70-30%-იან წილებსაც ვასილ კიკნაძე და მაია ჩიხლაძე ფლობენ.) კოლეჯი თბილისში მდებარეობს და აქვს როგორც პროფესიული საგანმანათლებლო პროგრამები (საექთნო საქმე, ფარმაცია,აღმზრდელი, კბილის სატექნიკო საქმე, ინფორმაციის ტექნოლოგიის მხარდაჭერა, სამკერვალო წარმოება, სასტუმრო მომსახურება), ასევე მოკლევადიანი სასერტიფიკატო პროგრამები (გერიატრიული ასისტენტი, ვიდეოოპერატორი, კომპიუტერის პროგრამული უზრუნველყოფა, სპეციალური საგანმანათლებლო საჭიროების ბავშვებთან მუშაობა, ქალის უსარჩულო ქვედა კაბის და კაბის ინდივიდუალური მკერავ-კონსტრუქტორი, ქალის მსუბუქი ტანსაცმლის მკერავ-ტექნოლოგი, ქალის ტანსაცმლის კონსტრუირება მოდელირება) - შპს საზოგადოებრივი კოლეჯი Natali academy
დაფუძნდა 2013 წელს, მისი დირექტორიცა და 100%-იანი წილის მფლობელიც ნატალია თოლორაიაა. კოლეჯი თბილისში მდებარეობს, კოლეჯს აქვს როგორც სადიპლომო, ასევე ასევე სასერტიფიკატო პროგრამები. სადიპლომო პროგრამებია ვიზაჟი, ფრჩხილის მოვლის სპეციალისტი, კანის მოვლა და სპა პროცედურები, სტილისტი. სასერტიფიკატო პროგრამებია წარბის კორექცია და ლამინირება, კოლორისტიკა, სტილისტი, ფრჩხილის დაგრძელება, მანიკურ-პედიკური, წამწამების ღეროვანი დაგრძელება, სპა თერაპია, კანის ესთეტიკური დერმოპიგმენტაცია, ვიზაჟი, ესთეტიკური კოსმეტოლოგია.
2022 წელს ხუთეულში მხოლოდ ერთი ცვლილებაა შპს საზოგადოებრივი კოლეჯი ამაგი შპს ბიზნესისა და ტექნოლოგიების აკადემიამ ჩაანაცვლა
- შპს ბიზნესისა და ტექნოლოგიების აკადემია
შპს ბიზნესისა და ტექნოლოგიების აკადემია დაფუძნდა 2011 წელს , დირექტორი სოფიო მაჭარაშვილი, რომელიც ასევე ფლობს შპს-ს 80%-საც, 20%-ის მფლობელი კი ანზორ მაჭარაშვილია. კოლეჯს 3 სასწავლო კორპუსი აქვს, 2 თბილისში და 1 საჩხერეში. სწავლება მიმდინარეობს შემდეგ პროგრამებზე : აღმზრდელი, შრომის უსაფრთხოებისა და გარემოს დაცვითი ტექნოლოგიები, ინფორმაციული ტექნოლოგიები,,ვებ-ტექნოლოგიები, ვებ-ტექნოლოგიები ინტეგრირებული, საექთნო განათლება, საბაჟო საქმე, საოფისე საქმე, საოფისე საქმე - ინტეგრირებული, მშენებლობის წარმოება, ელექტროობა
შეგახსენებთ, პროფესიულ საგანმანათლებლო პროგრამებზე რეგისტრაცია 2023 წლის 22 მაისს დაიწყო და 10 სექტემბრის ჩათვლით გაგრძელდება. რეგისტრაცია შესაძლებელია როგორც ონლაინ, ვებგვერდზე – vet.emis.ge, ასევე, საქართველოს მასშტაბით მოქმედ პროფესიული საგანმანათლებლო პროგრამების განმახორციელებელ დაწესებულებებში. რეგისტრაცია ასევე მიმდინარეობს დუალური მიდგომით განხორციელებულ პროგრამებზე. დუალური მიდგომა საგანმანათლებლო დაწესებულებასა და კომპანიას შორის პასუხისმგებლობის განაწილებას გულისხმობს. პროგრამით გათვალისწინებული სწავლის შედეგების 50% ან მეტი მიიღწევა რეალურ სამუშაო გარემოში, კონკრეტულ კომპანიაში.
