სტატისტიკის ეროვნული სამსახურის გამოკვლევის შედეგების მიხედვით, 2025 წელს საქართველოში წყალმომარაგებით საქმიანობას ახორციელებდა 28 საწარმო, რომელთა მიერ შინამეურნეობებისთვის მიწოდებული წყლის მოცულობამ 258.6 მილიონი კუბური მეტრი შეადგინა, რაც 6.2%-ით მეტია წინა წლის შესაბამის მაჩვენებელზე.
საქსტატის ცნობით, 2025 წლის 31 დეკემბრის მდგომარეობით, წყალმომარაგების სისტემით სარგებლობდა 2.87 მილიონი ადამიანი, ანუ მთლიანი მოსახლეობის 72.8%-ი, რაც 2.9 პროცენტით აღემატება წინა წლის ანალოგიურ მაჩვენებელს.
ამასთან, უწყების ანგარიშით, 2025 წელს წყალარინების, ანუ კანალიზაციის ქსელზე მიერთებული მოსახლეობის რიცხოვნობამ 2.06 მილიონი შეადგინა – მთლიანი მოსახლეობის 52.3%-ი, რაც წინა წლის ანალოგიურ მაჩვენებელს აღემატება 3.0%-ით.
2025 წელს ჩამდინარე წყლის გამწმენდ ნაგებობაზე მიერთებული მოსახლეობის რიცხოვნობამ შეადგინა 1.64 მილიონი – მთლიანი მოსახლეობის 41.6%-ი, რაც წინა წლის ანალოგიურ მაჩვენებელს აღემატება 3.1%-ით.
