სებ-ის ყოფილი პრეზიდენტი, რომან გოცირიძე საქართველოს ეროვნული ბანკის პრეზიდენტის მოვალეობის შემსრულებლის, ნათია თურნავას დასანქცირებას ითხოვს.
მისი თქმით, სებ-ის გადაწყვეტილება, რომ სანქცირებულ ოთარ ფარცხალაძეს საბანკო ანგარიშებზე წვდომა აღუდგეს ქვეყანას რისკის ქვეშ აყენებს, რის გამოც მისი აზრით ნათია თურნავას საერთაშორისო სანქციები უნდა დაუწესდეს.
"ნათია თურნავას უნდა დაუწესდეს საერთაშორისო სანქციები. პარლამენტმა უნდა დაიწყოს იმპიჩმენტი. ქვეყანა ჩააყენა უდიდესი რისკის ქვეშ. ოთარ ფარცხალაძისადმი ეროვნული ბანკის მიერ დაწესებული შეზღუდვები გააუქმა," - წერს იგი სოციალურ ქსელში.
შეგახსენებთ, დღეს ცნობილი გახდა, რომ სებ-მა გამონაკლისი ბრძანება გამოსცა, რის მიხედვითაც სანქცირებულ ოთარ ფარცხალაძეს საბანკო ანგარიშებზე წვდომა აღუდგება.
