შპს „საქართველოს მელიორაციის“ გენერალურმა დირექტორმა გიგლა თამაზაშვილმა მცხეთისა და დუშეთის მუნიციპალიტეტებში სარწყავი სისტემების ფუნქციონირების საკითხები რეგიონული სამსახურის წარმომადგენლებთან ერთად განიხილა – ინფორმაციას „საქართველოს მელიორაცია“ ავრცელებს.
„გენერალურმა დირექტორმა, სამსახურების წარმომადგენლებთან ერთად, შესაბამისი ინფრასტრუქტურული ობიექტებიც დაათვალიერა და სისტემის გამართულად მუშაობისთვის არსებულ საჭიროებებზე მოისმინა ინფორმაცია.
აღსანიშნავია, რომ 2012-2024 წლებში განხორციელებული სამელიორაციო ინფრასტრუქტურული სამუშაოების შედეგად, წყალუზრუნველყოფილი გახდა 4 375 ჰექტარი სასოფლო-სამეურნეო მიწის ფართობი, სარწყავი წყლის მიწოდება 1600 ჰექტარზე გაუმჯობესდა“ – ნათქვამია ინფორმაციაში.
