საქართველოს ეროვნული ბანკის პრეზიდენტის მოვალეობის შემსრულებელი, ნათია თურნავა საქართველოში ევროკავშირის ელჩს, პაველ ჰერჩინსკის ეროვნული ბანკის სათავო ოფისში შეხვდა. საუბარი ქვეყანაში არსებულ ეკონომიკურ ტენდენციებს, ფინანსური სტაბილურობის საკითხებსა და ევროკავშირთან თანამშრომლობის ფარგლებში განხორციელებულ პროექტებს შეეხო. ნათია თურნავამ დეტალურად ისაუბრა იმ თანმიმდევრულ ნაბიჯებზე, რომლებიც სებ-მა საერთაშორისო სანქციების აღსრულებისა და მონიტორინგის მიმართულებით გადადგა. საქართველოს საფინანსო ინსტიტუტები მოქმედებენ რუსეთის ფედერაციისა და ბელარუსის რესპუბლიკისთვის დაწესებულ სანქციებთან სრულ შესაბამისობაში.
შეხვედრაზე აღინიშნა ევროპის რეკონსტრუქციისა და განვითარების ბანკის (EBRD) და ევროკავშირის მხარდაჭერის მნიშვნელობა საქართველოში კაპიტალის ბაზრის განვითარების მიმართულებით. აღსანიშნავია, რომ ნათია თურნავამ ევროკავშირის ელჩთან ყურადღება გაამახვილა საქართველოს ევრო გადახდების ერთიან სივრცეში (SEPA) გაწევრიანების საკითხზეც და იმ საკანონმდებლო ცვლილებებზე, რომლის საშუალებითაც საქართველოს კანონმდებლობა ევროკავშირის კანონმდებლობას კიდევ უფრო დაუახლოვდება.
"საქართველო რეგიონში პირველი ქვეყანაა, რომელმაც ევრო გადახდების სივრცეში გაწევრიანების სურვილის შესახებ განაცხადა. SEPA-ს წევრობა ევროპული ოჯახის წევრობის მიზანს ერთი ნაბიჯით დაგვაახლოებს. ეს მნიშვნელოვნად გაზრდის საქართველოს ფინანსური სექტორის სანდოობას საერთაშორისო ასპარეზზე და ხელს შეუწყობს ევროპულ ეკონომიკურ ზონასთან სავაჭრო ურთიერთობების გამარტივებას. ევროკავშირის მხარდაჭერით განხორციელებული პროექტები ხელს უწყობს სებ-ის საზედამხედველო ინსტრუმენტების გაუმჯობესებასა და გაძლიერებას, რაც თავის მხრივ, საქართველოს ფინანსური სექტორის სტაბილურობასა და გამჭვირვალობას უზრუნველყოფს", - განაცხადა ნათია თურნავამ.
ნათია თურნავა ევროკავშირის ელჩს პაველ ჰერჩინსკის შეხვდა

თუ ევროპული ბიუროკრატიის უსამართლო მიდგომა შეიცვლება სამართლიანი მიდგომით, 2030 წლისთვის ჩვენს გაწევრიანებას ევროკავშირში წინ ვერაფერი დაუდგება – ირაკლი კობახიძე
ეუთო-ს საპარლამენტო ასამბლეამ საქართველოს შესახებ რეზოლუცია მიიღო
საკანონმდებლო ცვლილებებით უცხოელთა სამართლებრივი მდგომარეობა კიდევ უფრო მძიმდება - SJC
„არასდროს შევწყვეტ საქართველოს დემოკრატიის მომავლის რწმენას და მის მხარდაჭერას“ - რობინ დანიგანი
არავის ვერჩით. როგორ შეიძლება საქართველო ევროპას, ბრიტანეთს ან აშშ-ს ებრძოდეს?!... ეს ხომ წარმოუდგენელია... დაძველდა ეს სანქციები. სანქციებით ვერავის ვეღარ აშინებენ - კახა კალაძე
Transavia იერსახეს იცვლის
1751567400