2025 წლის მეორე კვარტლის მონაცემებით, საქართველოში მოქმედ მიკროსაფინანსო ორგანიზაციების წმინდა მოგებამ 70 596 989 ლარი შეადგინა, რაც წინა წლის ანალოგიური პერიოდის მაჩვენებელზე 3.66 მლნ ლარით მეტია. 2024 წლის მეორე კვარტალში სექტორის წმინდა მოგება 66 936 137 ლარი იყო.
ამის შესახებ მისო-ების 2025 წლის მეორე კვარტლის კონსოლიდირებულ ფინანსურ მაჩვენებლებშია აღნიშნული.
ამასთან, ეროვნული ბანკის ვებ-გვერდზე გამოქვეყნებული კონსოლიდირებული ფინანსური ანგარიშგების მიხედვით, 2024 წლის მეორე კვარტლის მდგომარეობით, მისო-ების მთლიანი აქტივები შეადგენდა 1.930 მლრდ ლარს, მთლიანი კაპიტალი კი 710.828 მლნ ლარს.
სებ-ის მონაცემებით, საანგარიშო პერიოდში მისო-ების მთლიანმა საპროცენტო შემოსავალმა 200.876 მლნ ლარი შეადგინა, საიდანაც ფიზიკურ პირებზე გაცემული სესხებიდან სექტორმა 177.151 მლნ ლარი მიიღო, იურიდიულ პირებზე გაცემული სესხებიდან საპროცენტო შემოსავალმა კი 1.650 მლნ ლარი შეადგინა.
ამასთან, საანგარიშო პერიოდში მისო-ების მთლიანი არასაპროცენტო შემოსავლები 40.397 მლნ ლარი იყო.
ცნობისთვის, საანგარიშო პერიოდში ბაზარზე 29 მიკროსაფინანსო ორგანიზაცია ოპერირებდა.
