მიმდინარე წლის განმავლობაში საქართველოში 3 862 ტონა შოკოლადი შემოვიდა. საქსტატის მონაცემებით, მთლიანმა ღირებულებამ 16 340 220 აშშ დოლარი შეადგინა.  ქვეყანა საიდანაც ყველაზე მეტი შოკოლადი შემოდის რუსეთია, ამ ქვეყნიდან პირველ კვარტალში საქართველოში  5 378 170 აშშ დოლარის 1 436 ტონა შოკოლადი შემოვიდა. მეორე ადგილზეა უკრაინა საიდანაც 1 942 630 აშშ დოლარის 545 ტონა შოკოლადის იმპორტი განხორციელდა. მესამე ადგილს თურქეთი იკავებს 1 790 410  აშშ დოლარით და 413 ტონა შოკოლადით. მილიონ აშშ დოლარზე მეტი მაჩვენებელი აქვს პოლონეთს,  ბელგიას და ნიდერლანდებს.