"როგორც ყაზახეთისათვის ასევე საქართველოსათვის ლოგისტიკური ინფრასტრუქტურის განვითარება პრიორიტეტულ ამოცანას წარმოადგენს," - ამის შესახებ "საქართველოს სატრანსპორტო დერეფნის კვლევის ცენტრის" პრეზიდენტი პაატა ცაგარეიშვილმა "კომერსანტს" განუცხადა. ამის დასტურად სატრანსპორტო და ლოგისტიკური საკითხების ექსპერტი იშველიებს ორი ქვეყნის მსოფლიო ბანკის Logistics Perfomanse Index (LPI)-ის მონაცემებს, რომლის მიხედვითაც 2023 წელს LPI-ის საქართველოს და ყაზახეთს ერთნაირი 2.7 ქულიანი შეფასებით 79 – ე საფეხური უკავიათ.
"აღნიშნული ინდექსის მიხედვით ფასდება ნებისმიერი ქვეყნის ლოგისტიკური შესაძლებლობები, ამასთან შეფასება ხორციელდება ექვსი ქვეკომპონენტის მიხედვით.
2.7 ქულა – ნაწილობრივ ლოგისტიკური შესაძლებლობების მქონე სახელმწიფოთა რანგს განეკუთვნება, აღნიშნული შეფასება მნიშვნელოვნად ჩამორჩება გაუმჯობესებული შესაძლებლობების ქვეყნების მაჩვენებლებს, რომელიც 3.2 დან – 3.6 მდე ფარგლებში მერყეობს.
საქართველოს დევანდელი 2.7 ქულა ვერ ჩაითვლება, ლოგისტიკური შესაძლებლობების ამბიციის მქონე ქვეყნისთვის დამაკმაყოფილებელ შედეგად.
გასათვალისწინებელი ის გარემოება, ლოგისტიკური ინდექსის (LPI), ექვსიდან ერთ – ერთი ძირითადი ქვეკომპონენტის – ინფრასტრუქტურის მდგომარეობის მიხედვით, საქართველოს – 2.3 ქულით, მსოფლიოში, არცთუ მაღალი – 108 – ე ადგილი უკავია.
საქართველო, ლოგისტიკის ინდექსის ინფრასტრუქტურის ქვეკომპონენტით, ჩამორჩება რეგიონის თითქმის ყველა ქვეყანას, შედარებისათვის – თურქეთი – 43 – ე საფეხური, სომხეთი – 76 – ე საფეხური, ყაზახეთი და ტაჯიკეთი – მე – 80 საფეხური, ბელარუსი და რუსეთი – 68 – ე საფეხური, უზბეკეთი, ყირგიზეთი და უკარაინა – 89 – ე საფეხური.
ფაქტიურად ინფრასტრუქტურის მდომარეობით საქართველოს მხოლოდ მოლდოვაზე უკეთესი (132 – ე საფეხური) პოზიცია გააჩნია.
ლოგისტიკური ინდექსის ანალიზი, ნათლად მიუთითებს, ქვეყანაში ლოგისტიკური ინფრასტრუქტურის განუვითარების აუცილებლობაზე, ამასთან მისასალმებელია ფოთის ნავსადგურში მულტიმოდალური ტერმინალის პროექტის განხორციელება," - ეუბნება "კომერსანტს" პაატა ცაგარეიშვილი.
შეგახსენებთ, 2025 წელს იგეგმება, ფოთის ნავსადგურში ყაზახური ინვესტიით ახალი მუტიმოდალური ტერმინალის ექსპლუატაციაში გაშვება. მულტიმოდალური ტერმინალი ფოთში პირველი ყაზახური ინფრასტრუქტურული პროექტია, რომელიც ტრანსკასპიურ საერთაშორისო სატრანსპორტო მარშრუტზე ერთ – ერთ საყრდენ წერტილს წარმოადგენს.
ყაზახური კომპანიის, PTC Holding-ის, პროექტის სავარაუდო ღირებულება 10 მლნ დოლარია. ტერმინალი განთავსებულია 8 ჰექტარ ფართობზე, მისი წლიური სიმძლავრე – 80 000 TEU. ერთდროულად შესაძლებელია საკონტეინერო მოედანზე 6 000 TEU ს დამუშავება.
