საქსტატის მონაცემებით, 2023 წელს საქართველოში მსუბუქი ავტომობილების იმპორტის მოცულობა, 2022 წელთან შედარებით, 77,8%-ით გაიზარდა.
ამავე მონაცემებით, 2023 წელს საქართველოში მსუბუქი ავტომობილების იმპორტმა, ყველა ტიპის ტრანსპორტით, ჯამში $3,2 მლრდ შეადგინა.
აქედან ყველაზე მეტი ღირებულების - $2,7 მლრდ, ავტომობილების იმპორტი საზღვაო ტრანსპორტით განხორციელდა.
რაც შეეხება ქვეყნებს, მსუბუქი ავტომობილები ყველაზე დიდი მოცულობით - $1,8 მლრდ, აშშ-დან შემოვიდა, შემდეგ მოდის იაპონია - $556,6 მლნ-ით, გერმანია - $320 მლნ-ით, თურქეთი $81 მლნ-ით და $51,5 მლნ-ით.
2022 წელს საქართველოში მსუბუქი ავტომობილების იმპორტი ჯამში $1,8 მლრდ იყო.
2023 წელს ცვლილება მოხდა იმპორტიორი ქვეყნების ხუთეულში. კერძოდ 2022 წელს მეხუთე ადგილზე მყოფი უკრაინა გასულ წელს სამხრეთ კორეამ ჩაანაცვლა.
