2026 წლის პირველ რვა თვეში თბილისში გაცემული სამშენებლო ნებართვებით გათვალისწინებული საცხოვრებელი ფართობის მოცულობა წლიურად 7%-ით შემცირდა და 757 ათასი კვადრატული მეტრი შეადგინა. ამის შესახებ „თიბისი კაპიტალის“ საცხოვრებელი უძრავი ქონების ბაზრის მიმოხილვაშია აღნიშნული.
კვლევის მიხედვით, შემცირება გასული წლის მაღალი საბაზისო მაჩვენებლის ფონზეა დაფიქსირებული. 2025 წლის იანვარ-აგვისტოში თბილისში გაცემული ნებართვებით გათვალისწინებული საცხოვრებელი ფართობი 813 ათას კვადრატულ მეტრს შეადგენდა. წლევანდელი კლების ერთ-ერთი მთავარი მიზეზი მრავალფუნქციური შენობების მშენებლობისთვის გაცემული ნებართვების შემცირებაა.
რაც შეეხება უბნების მიხედვით განაწილებას, 2026 წლის რვა თვეში ყველაზე დიდი წილი დიდი დიღომზე მოდის, სადაც გაცემული ნებართვებით გათვალისწინებული საცხოვრებელი ფართობის 18% არის თავმოყრილი.
შემდეგ პოზიციებზე არიან:
- დიდი დიღომი — 18%;
- ნაძალადევი — 16%;
- საბურთალო — 15%;
- ისანი — 14%;
- გლდანი — 14%;
- სხვა უბნები — 23%.
ამასთან, უძრავი ქონების ბაზარზე აქტივობის ზრდა გრძელდება. „თიბისი კაპიტალის“ მონაცემებით, 2026 წლის იანვარ-აგვისტერში თბილისში საცხოვრებელი უძრავი ქონების ბაზრის მოცულობამ 2.674 მლრდ-ს მიაღწია, რაც წლიურად 24%-იანი ზრდაა.
მიმოხილვის თანახმად, აგვისტოში საცხოვრებელი უძრავი ქონების გაყიდვები გაიზარდა როგორც ახალ, ისე ძველ ბინებში, თუმცა საერთო ზრდაში ძირითადი წვლილი ძველი ბინების ტრანზაქციებს ჰქონდა.
ამავე პერიოდში თბილისში საცხოვრებელი უძრავი ქონების ტრანზაქციების რაოდენობამ 30 180 შეადგინა, რაც გასული წლის ანალოგიურ პერიოდთან შედარებით 20%-ით მეტია.
