ტყავის ჩანთებისა და სხვა აქსესუარების მწარმოებელი კომპანია "გეფერინის" გენერალური დირექტორი, ილია გეფერიძე, BMGTV-ის ეთერში "გაეროს გლობალური შეთანხმების საქართველოს ქსელის" რუბრიკაში ევროკავშირის ბაზარზე გასვლის გამოწვევებსა და შესაძლებლობებზე საუბრობს. მისი თქმით, EU-ს ბაზარზე შესვლისას, მნიშვნელოვანია ევროპული სტანდარტების დაცვა, რაც კომპანიამ მდგრადი მოდის პრაქტიკების დანერგვით შეძლო.
"დღეს უკვე 13-მდე საექსპორტო ქვეყანაში გავდივართ, თუმცა კომპანიამ თავიდანვე დაისახა მიზნად, რომ ჩვენი მთავარი ბაზარი ევროკავშირი ყოფილიყო, რადგან ჩვენთვის სტაბილურობა უმნიშვნელოვანესია, რისთვისაც უნდა ვეძიოთ ისეთი ქვეყნები, საიდანაც სტაბილურ შემოსავალს მივიღებთ.
თუმცა, ძალიან მნიშვნელოვანია იცოდე, იმ კონკრეტული ქვეყნების სპეციფიკაცია, სადაც შესვლას გეგმავ, რათა მათთან ადაპტირება მოახდინო. როდესაც EU-ს ბაზარზე შედიხარ, ძალიან მნიშვნელოვანია ისეთი სტანდარტები დაიცვა, როგორიც არის, მაგალითად, მდგრადი მოდა, რასაც მოდის ძალიან ბევრი წამყვანი კომპანია უდიდეს მნიშვნელობას ანიჭებს. ჩვენც ჩავერთეთ ამ პროცესში და დიდ ყურადღებას ვუთმობთ ნარჩენების მართვის საკითხს. ვფიქრობთ, რომ მომავალში კიდევ უფრო მეტად ჩავერთვებით მდგრად მოდაში", - ამბობს ილია გეფერიძე.
ვრცლად bm.ge - ზე
