ყაზახეთში კორუფციის ბრალდებით ქვეყნის სუვერენული ფონდისა და სახელმწიფო სარკინიგზო კომპანიის ხელმძღვანელები დააკავეს, - ინფორმაციას გამოცემა Kazinform-ი ავრცელებს.
ყაზახეთის ეროვნული უსაფრთხოების კომიტეტის განცხადებით, ანტიკორუფციული სამსახურის ოფიცრებმა სუვერენული ფონდის Samruk-Kazyna-ს აღმასრულებელი დირექტორი, ნურლან ჟაკუპოვი და სახელმწიფო სარკინიგზო კომპანია Temir Zholy-ის ხელმძღვანელი, ელჟას ოტინშიევი დააკავეს.
ასევე, უწყების ცნობით, კორუფციული დანაშაულის ჩადენაში ეჭვმიტანილი კიდევ რამდენიმე პირია დაკავებული.
ყაზახეთის ეროვნულ უსაფრთხოების კომიტეტში აღნიშნეს, რომ საქმის გარემოებების დასადგენად საგამოძიებო მოქმედებები მიმდინარეობს.
ipn.ge
