გერმანული ავტომწარმოებლის ფინანსური ანგარიშის თანახმად, Mercedes-Benz Group-ის წმინდა მოგებამ მესამე კვარტალში 1.19 მილიარდი ევრო შეადგინა. ეს გასული წლის მაჩვენებელზე 31%-ით ნაკლებია. თავად ავტომწარმოებელი აღნიშნავს, რომ მოგების შემცირება, პირველ რიგში, გაყიდვების შემცირებით და დონალდ ტრამპის ადმინისტრაციის მიერ ათობით ქვეყანაზე დაწესებული იმპორტზე ტარიფების უარყოფითი გავლენით არის განპირობებული.
გარდა ამისა, კომპანიას ასობით მილიონი ევროს დახარჯვა მოუწია გერმანიაში თანამშრომლებისთვის გათავისუფლების ანაზღაურებასა და საზღვარგარეთ წარმოების ოპტიმიზაციაზე. საერთო ჯამში, Mercedes-Benz-მა მესამე კვარტალში ამ ხარჯებზე 876 მილიონი ევრო დახარჯა.
