სომხეთი გეგმავს მინიმუმ სამი თანამგზავრის გაშვებას: ორი დედამიწაზე დასაკვირვებლად და ერთი ტელე კომუნიკაციებისთვის.
როგორც Report სომხურ მედიაზე დაყრდნობით იუწყება, ამის შესახებ სომხეთის პრემიერ-მინისტრმა ნიკოლ ფაშინიანმა პარიზში, საერთაშორისო კოსმოსურ სამიტზე სიტყვით გამოსვლისას განაცხადა.
მისი თქმით, სომხეთი ასევე გეგმავს სახმელეთო ინფრასტრუქტურის და საკუთარი შესაძლებლობების განვითარებას თანამგზავრების მართვის, მონაცემთა მიღების, დამუშავებისა და ანალიზისთვის.
გარდა ამისა, იგეგმება მიწისზედა სადგურების განაწილებული ქსელის შექმნა, რომელიც შეძლებს არა მხოლოდ ეროვნული საჭიროებების დაკმაყოფილებას, არამედ საერთაშორისო კოსმოსური მისიების და თანამგზავრულ მონაცემებსა და მომსახურებაზე მზარდი მოთხოვნის მხარდაჭერას.
