შვეიცარია ყურადღებით ადევნებს თვალს აშშ-ის პრეზიდენტის, დონალდ ტრამპის მიერ დაწესებულ პოტენციურ გადასახადებს და სურს მოლაპარაკება გამართოს აშშ-ის ადმინისტრაციის წარმომადგენლებთან - აცხადებს შვეიცარიის მთავრობა ოთხშაბათს.
ეკონომიკის საკითხების სახელმწიფო სამდივნო (SECO) განცხადებაში წერს, რომ შვეიცარიასა და აშშ-ს ახლო ეკონომიკური პარტნიორობა აკავშირებთ. ბერნი აცხადებს, რომ სურს შეინარჩუნოს "საუკეთესო საბაზრო წვდომა".
"შვეიცარიას კვლავ სურს ტრამპის ადმინისტრაციასთან მოლაპარაკების გამართვა, საიმისოდ, რომ კიდევ უფრო განმტკიცდეს და გაღრმავდეს ორმხრივი ეკონომიკური კავშირები" - აცხადებს SECO, სააგენტო როიტერსის თანახმად.
